Mithumo 11:20 - Bhiblia Yo Sawuleka

²⁰ Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Mithumo 11:20 Referans Kwoze

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 2:10

va kuhuma Frigiya ni Panfiliya ni Egipta, ni va matiko a Libhiya, hafuhi ni Kirene, vawuyi va Roma,

1 Vakorinto 2:2

Ni pimisile ti to kha txi nga ho tximwani ni txi zivako hagari kwanu, hahanze ka Jesu Kristu, awu a nga gogotelwa ha txihambanoni.

Mithumo 17:18

Hambi vazivi vokari va gondo ya Epikuru ni ya Txitoyiki va ti kanetisana nayo. Se vamwani va txi kha vona: “A lava ku hi gela to txani nyamuwombe wuwa kani?” Vamwani va txi kha vona: “Awuwa ngu nga m'gondisi wa sizimu so mbi ziwa!” Nguko a ti ti txhumayela ngu Jesu ni kuwuka ka vafi.

Mithumo 9:29

a ti womba-womba a txi xamulana kambe ni Vajudha va kuwombawomba Txigriki, aniko avava va ti langana makungo a ku m'daya.

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Mithumo 8:35

Sekoko Filipi a to tula txisofu, e khukhela ka wona m'bhalo wu wa dibhuku, e m'gela Evhangeli ya Jesu.

Mithumo 8:5

Se Filipi a to relela ka didhoropa dokari da Samariya eya txhumayela kona Mesiya.

Mithumo 5:42

Kambe ditshiku ni ditshiku va ti si humuli kugondisa Dithepeleni ni mu mitini, ve nuwela mahungu a maphya a Jesu Kristu.

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Mithumo 11:19

Ava va nga ti hangalakile ngu kuxaniswa ku ku nga humelela, mbimo yi Sitefani a nga dawa, va to ya masoni kala veya hoka Fenikiya, ni Kipra ni Antiyokiya, va txi txhumayela Dipswi ka Vajudha dwe.

Mithumo 11:22

Timhaketo, ngako ti di hokile tinzeveni ka Dibanza da Jerusalema, va to ruma Bharnabhasi e tsula Antiyokiya.

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mithumo 11:27

Ka oneyo masiku, vaprofeti vokari va to kwitima ngu Jerusalema veya Antiyokiya.

Mithumo 14:26

Va txi khukhela koneyo, va to tsula ngu txitimela va txi ya Antiyokiya, ahawa va nga khatela kona, na va txi themba kateko ya Txizimu, ka mthumo wule va nga gwita ku wu maha.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Mithumo 15:30

Ava va nga rumwa; ngako va di satisile, va to kwitima veya Antiyokiya, ahawa va nga ya ramba msengeletano wa makholwa kasi kuvaninga dipapilo diya.

Mithumo 18:22

Ku ti ngako a di hokile Khezareya, a to kwela eya losana ni dibanza da makholwa, ngu msana e kwitima eya Antiyokiya.

Vagalatiya 2:11

Aniko, mbimo yi Khefasi a nga ta Antiyokiya, ni tsani ni txi m'konama khohe ni khohe, nguko a ti ti fanela kukawukwa.