Mithumo 11:19 - Bhiblia Yo Sawuleka

¹⁹ Ava va nga ti hangalakile ngu kuxaniswa ku ku nga humelela, mbimo yi Sitefani a nga dawa, va to ya masoni kala veya hoka Fenikiya, ni Kipra ni Antiyokiya, va txi txhumayela Dipswi ka Vajudha dwe.

Mithumo 11:19 Referans Kwoze

Mithumo 21:2

Ngako hi di mani txitimela yi txi khukha kuya Fenikiya, hi to wulela ka yona hi tsula.

Mithumo 15:35

Ani Paulo ni Bharnabhasi, evo va sate Antiyokiya. Se va di patani ni vamwani votala, va ti gondisa ni kunuwela Mahungu a Manene a dipswi da Mkoma.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 15:3

Ku ti ngako va di longetwe sotshe ve heleketwa ngu Dibanza, va to pinda ngu Fenikiya ni Samariya, va txi womba-womba ngu kuhunduluka ka vamatiko, se vanawe ve tsakiswa ngutu ngu mhaka yiya.

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Vagalatiya 2:11

Aniko, mbimo yi Khefasi a nga ta Antiyokiya, ni tsani ni txi m'konama khohe ni khohe, nguko a ti ti fanela kukawukwa.

Mithumo 21:16

Va hi heleketile vagondiswa vokari va Khezareya, va txi hi yisa m'tini ka mthuyo a dhanwako ku i Menasoni, wa Kipra, mmweyo wa vagondiswa vo thanga, ahawa hi nga ti fanela kuamukelwa hi zumba kona.

Mithumo 18:22

Ku ti ngako a di hokile Khezareya, a to kwela eya losana ni dibanza da makholwa, ngu msana e kwitima eya Antiyokiya.

Mithumo 15:39

Konaho ku to humelela dizunga hagari kwawe, veza ve hambana. Bharnabhasi a to teka Marku e tsula nayo Kipra ngu txitimela.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Mithumo 13:4

Vona ngako va di rumilwe ngu Moya wo Sawuleka, va to kwitima veya Selewukiya, se ngu koneyo va ti ya txhatuka ngu txitimela veya Kipra.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Matewu 10:6

Kukhata tsulani ka tinvuta ti ti nga hangalaka ta Nyumba ya ka Israyeli.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Mithumo 11:22

Timhaketo, ngako ti di hokile tinzeveni ka Dibanza da Jerusalema, va to ruma Bharnabhasi e tsula Antiyokiya.

Mithumo 14:26

Va txi khukhela koneyo, va to tsula ngu txitimela va txi ya Antiyokiya, ahawa va nga khatela kona, na va txi themba kateko ya Txizimu, ka mthumo wule va nga gwita ku wu maha.

Mithumo 15:30

Ava va nga rumwa; ngako va di satisile, va to kwitima veya Antiyokiya, ahawa va nga ya ramba msengeletano wa makholwa kasi kuvaninga dipapilo diya.