Mithumo 11:16 - Bhiblia Yo Sawuleka

¹⁶ Se ni alakanya dipswi da Mkoma, a nga khene: ‘Johani a bhabhatisile ngu mati, kambe anu mi na bhabhatiswa ngu Moya wo Sawuleka.’

Mithumo 11:16 Referans Kwoze

Mithumo 1:5

Johani a bhabhatisile ngu mati, aniko anu mndani ka mbimo yokari, mi na bhabhatiswa ngu Moya wo Sawuleka.”

Marku 1:8

Ani ni mi bhabhatisa ngu mati, aniko ene a nata mi bhabhatisa ngu Moya wo Sawuleka.”

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Luka 3:16

ene Johani a to va gela votshe a txi khene: “Ani ni mi bhabhatisa ngu mati, aniko a na bwaka awule a ku ni mtamo kupinda ani, awule ani ni ku si nga ni fanelo ya kuthukunyula tingoti ta tikathula takwe; eyo a nata mi bhabhatisa ngu Moya wo Sawuleka ni mndilo.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

1 Vakorinto 12:13

Kha ditshuri, hotshethu, mwendo hi Vajudha mwendo hi Vagriki, mwendo hi tikhumbi mwendo hi vathuseki, ngu kubhabhatiswa ka Moya wawumwewo, hi mahile mmidi wumwewo. Hotshethu hi setilwe Moya wumwewo.

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Johani 16:4

Se ni mi gete timhaka tiya kasiku mbimo yi txi no hoka txikhati txa txona, mi na khumbula ti to ni ti mi gete. ‘Kha na mi gela tiya kukhukhela kukhatani, nguko ni ti ngadi ni nanu.’

Johani 1:33

Nani ni ti si mu zivi, aniko awule a nga ni ruma kubhabhatisa ngu mati, ngene a nga ni gela a txi khene: ‘Awule u no wona Moya wo Sawuleka wu txi txhikela ku ta zumba txitimwi kwakwe, ngeneyo a bhabhatisako ngu Moya wo Sawuleka.’

Johani 1:26

Johani a va xamute a txi khene: “Ani ni bhabhatisa ngu mati, kambe hagari kwanu waho awu mi si mu ziviko.

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

2 Pedro 3:1

Vo randeka, adiya dipapilo nda wumbidi ni txi mi bhalela, na ni txi duketa, ka otshe mapapilo a mambidi, kuwuseta mialakanyo yanu ya yinene ngu sialakanyiso sokari;

Luka 24:8

Se ve ma khumbula mapswi akwe.

Matewu 3:6

Va txi bhabhatiswa ngu ngene mnamboni ka Jordhani, va txi ti tshanza sionho sawe.