Mithumo 11:12 - Bhiblia Yo Sawuleka

¹² Se Moya wu to ni gela ti to ni na tsule navo, ni si kanakani; vanathu vava va mtxhanu ni mmweyo va to tsula kumweko ni nani. Se hi ti ya wulela m'tini ka ene Korneliyo wuwa.

Mithumo 11:12 Referans Kwoze

Mithumo 8:29

Moya wu to gela Filipi, wu txi kha wona: “Tshuketela txikotxikani txile.”

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

2 Vatesalonika 2:2

ha mi kombela, ti to mi si kuluveti mi txi dekadekiswa timbiluni kwanu, ti to mi si dhukiswi ngu dipswi da wuprofeti, hambi ngu mawombelo mamwani, mwendo dipswi di di ku ngadi ta ngu kwathu, asi si ndino mi ninga kukholwa ti to ditshiku da Mkoma di hokile.

Mithumo 10:23

Sekoko Pedro a to va dhana ve wulela nyumbani e va ninga wukhalo. Ni mixo, Pedro a to khukha e tsula navo, kumweko ni vanawe vokari va Jopa.

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Mithumo 10:45

Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.

Johani 16:13

Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka.

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Mithumo 15:7

Msana ko wombawombisana ngutu, Pedro a to khukha a txi ema, a txi khene kwawe: “Vanathu, ma tiziva ti to Txizimu txi ni sawute hagari kwanu kukhukhela makhatoni kasiku vamatiko ve engisa dipswi da Evhangeli di txi txhumayelwa ngu txisofu txangu, tito, ve kholwa.

Mithumo 13:4

Vona ngako va di rumilwe ngu Moya wo Sawuleka, va to kwitima veya Selewukiya, se ngu koneyo va ti ya txhatuka ngu txitimela veya Kipra.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 11:13

Ene a hi gete ku khene a woni ngelozi nyumbani kwakwe, yi di emile, yi txi kha yona: ‘Ruma vathu va txi ya Jopa, veya dhana Simoni, awu dimwani ditina i ku Pedro.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.