Mithumo 11:1 - Bhiblia Yo Sawuleka

¹ Kambe vapostoli ni vanawe, ava va nga aka ditikoni ka Judheya va ti engisile ti to vamatiko ni vona va amukete dipswi da Txizimu.

Mithumo 11:1 Referans Kwoze

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Mithumo 15:3

Ku ti ngako va di longetwe sotshe ve heleketwa ngu Dibanza, va to pinda ngu Fenikiya ni Samariya, va txi womba-womba ngu kuhunduluka ka vamatiko, se vanawe ve tsakiswa ngutu ngu mhaka yiya.

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Zefaniya 3:9

Sekoko ni na sawulekisa sisofu sa vathu, kasiku votshe va txi khongela ditina da Mkoma, ve mthumela ngu moya wumwewo.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 62:2

Se matiko ma na wona kululama kwako, ni votshe vafumeli va na wona wudhumo wako; se va na ku dhana ngu ditina dadiphya, adi txisofu txa Mkoma txi no di raya.

Isaya 60:3

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Isaya 42:6

Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Marku 16:5

Va di wulete diyivani, va to wona dijaha di di khalahatshile, didhawa da txinene, di di ambate nguwo yo basa, se ve xamala ngutu.

Matewu 8:11

Aniko na womba kwanu, ni khani; mbavangi va nota ngu wutxani ni mswa-ditambo, va ta zumba ha sakudyani ni Abrahamu ni Isaake ni Jakobe Mfumoni ka nzumani.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 11:29

Se vagondiswa va to engisana ka mhaka yi ya ku mmwani ni mmwani e rumela asi a si manako, kasi kuya vhuna vanawe va va zumbako ditikoni ka Judheya.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.