Mithumo 10:7 - Bhiblia Yo Sawuleka

⁷ Ku ti ngako yi di khukhile ngelozi yi yi nga womba-womba nayo, Korneliyo a to dhana sithumi sakwe sa simbidi, kumweko ni disotxhwa di i nga ti mkhongeli hagari ka mamwani masotxhwa awa ma mu thumelako;

Mithumo 10:7 Referans Kwoze

Filimoni 1:16

na i si nga ngadi khumbi, aniko a txi va i di wu a pindako khumbi, mwanathu wo randeka, kambe ene mbwo randeka ngutu kwangu, ngutu-ngutu kwako nawe, a na va i di wo randeka ngu ka wuthu ni ka Mkoma.

Luka 3:14

Masotxhwa ni ona ma to mu wotisa ma txi kha ona: “Athu-ko, hi fanete kumaha txani, kani?” Ene a to xamula a txi khene: “Mi nga thumiseni wurena ka si i ku sa vane, mi nga mangaleleni m'thu hahanze ka mnandu, kambe tumelani kuenelelwa dwe ngu muholo wanu.”

Valamuli 7:10

Aniko, ngako u txi thava kurelela wekha, tsula ni Pura txithumi txako.

1 Timoti 6:2

Ava va ku ni vanyamne va i ku makholwa, va nga va kanyise, ngu kuziva ti to i vanawe, aniko va na va thumele ta tinene, nguko evo i makholwa ni vanathu vo randeka, va vhunwako ngu mithumo yawe ya yinene. Ngu toneto, u fanelako kugondisa ni kuleleta tona.

Genesisi 24:52

Se ngako txithumi txa Abrahamu txi di engisile mapswi awa, txi to khizama hahatshi, txi khozela Mkoma.

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Mithumo 10:6

Ene a endete ka nyumba ya wu va ku i Simoni mtxhuki wa madhowo, awu nyumba yakwe yi ku hafuhi ni linene.”

Mithumo 10:8

a to va leleta votshe timhaka, e va ruma kuya Jopa.