Mithumo 10:45 - Bhiblia Yo Sawuleka

⁴⁵ Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.

Mithumo 10:45 Referans Kwoze

Mithumo 10:23

Sekoko Pedro a to va dhana ve wulela nyumbani e va ninga wukhalo. Ni mixo, Pedro a to khukha e tsula navo, kumweko ni vanawe vokari va Jopa.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Vaefesu 2:11

Ngu konaho, anu mi ku si nga majudha, mi dhanwako ku mi makhutu ngu vale va ti wombako ku “nzithiva” ngu mhaka ya tile ti nga thumwa ngu manza ha mmidi kwawe,

Vagalatiya 2:15

Athu hi sivelekwa sa Vajudha, kha hi nga sionhi sa vamatiko.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Mithumo 11:3

ma txi kha ona: “Awe u wulete mitini ka makhutu udya nawo.”

Mithumo 11:2

Ngako Pedro a di tshumelete Jerusalema, makholwa awa a wukwera ma to kanetisana nayo,

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.