Mithumo 10:41 - Bhiblia Yo Sawuleka

⁴¹ i si nga ka votshe vathu, aniko ka tifakazi ti ti nga sawulwa ngu kale ngu txona Txizimu: I ku athu hi nga dya, hi txi sela kumweko nayo, msana ka kuva a di wukile ngu ka vofa.

Mithumo 10:41 Referans Kwoze

Johani 14:22

Judha (i si nga ene Iskariyoti), a to khene: “Mkoma, ti na mahisa kutxani kutiwonekisa kwathu, u si ti wonekisi ka ditiko, kani?”

Johani 21:13

Sekoko Jesu a to tshuketa hafuhi, a txi teka dipawu a txi va ninga; a txi mahisa toneto kambe ngu sihaka.

Johani 14:17

i ku Moya wa ditshuri, awu ditiko di si sikotiko ku wu amukela, nguko kha di wu woni, kambe kha di wu zivi. Anu ma wu ziva, nguko wu zumba ni nanu, kambe wu mndani kwanu.”

Mithumo 10:39

Athu hi tifakazi ta yotshe mithumo yi a nga yi maha ditikoni ka Vajudha, didhoropani ka Jerusalema. Vona kambe va mu date ngu ku mu hayeka ha phandeni.

Mithumo 13:31

Se ngu masiku o tala a ti wonekisile ka vale va nga ti kwete nayo kukhukhela Galileya kala kuya hoka Jerusalema, vonavo konkuwa i ku tifakazi takwe hagari ka ditiko:”

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Luka 24:48

Se anu mi tifakazi ta mhaka yiya.

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Johani 15:27

Nananu mi na va mi di tifakazi tangu, nguko mi ni nani kukhukhela kukhatani.”

Mithumo 1:4

Hagari ka kuva a di khalahatshile navo ha sakudyani, a to va gela, a txi khene: “Mi nga khukheni muwa Jerusalema, aniko verelani Txithembiso txa Tate, i ku wule ni khalako ni txi womba-womba ngu ngene.