Mithumo 10:4 - Bhiblia Yo Sawuleka

⁴ Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Mithumo 10:4 Referans Kwoze

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.

Mtuletelo 8:4

Se wutshi wa dibaselo wu txi huma manzani ka ngelozi wu to tuvika wu ya txitimwi masoni ka Txizimu kumweko ni mikombelo ya vasawuleki.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

Luka 1:29

Ka mapswi awa, ene a to bhibhika khana, e khata kupimisa ti to maloselo awa nga txani?

Matewu 26:13

Kha ditshuri na mi gela ku khani: Hani ni hani ku no txumayelwa Evhangeli, ka dotshe ditiko, ti na xawutwa ni tona tiya a nga ti maha, kasi kuve mu alakanya.”

Dhaniyeli 10:11

Se a to khene kwangu: Dhaniyeli, wamwamna wo dhundeka ngutu, pfisisa kha kwati mhaka yi ni kugelako. Khukha u txi ema, nguko nyamsi ni rumilwe kwako. Se a txi nga txi womba-womba ni nani mapswi awa, ani ni ti to dhudhumela.

Isaya 43:26

Xota ku ni alakanya, hi na wulela hotshe kulamulwani; txhatxha mhaka yako, kasi ku u na maneka di lulamile.

2 Makronika 32:24

Ka ona masikuyo, Ezekhiya a to khatwa ngu malwati a kufa, se a to kombela ka Mkoma, se ene a to womba-womba nayo e mkomba txiwoniso.

2 Makronika 6:33

Engisa awe nzumaniyo, txituluni hale u zumbako kona, u maha madingano ni kudila ka mluveli, kasi votshe vathu va ha mafuni ve ziva ditina dako, va txi na kuthava kufana ni vathu vako va ka Israyeli, va na ziva kambe ti to ditina dako da khumbukwa txitimwi ka nyumba yiya ni nga yi aka.

1 Samuwele 3:10

Sekoko Mkoma a to ta ema, e dhana kufana ni simwani sikhati, a txi khene: Samuwele, Samuwele! Se Samuwele a to xamula, a txi khene: Womba-womba, nguko txithumi txako txa engisa.

Mithumo 22:10

Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’ Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

Luka 24:5

Ngako va di tate ngu kuthava, vavasikati va to namisa tikhohe tawe, va txi wona hahatshi. Vavamna va to va gela va txi kha vona: “Mi lavela txani hagari ka vafi awu a hanyako, kani?

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Levhi 2:2

A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.

Mithumo 3:4

Ti di mahile eto, Pedro kumweko ni Johani, a to gula maso a txi mu wonisisa, se a txi khene kwakwe: “Hi wone!”

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,