Mithumo 10:38 - Bhiblia Yo Sawuleka

³⁸ ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Mithumo 10:38 Referans Kwoze

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Matewu 12:28

Aniko ngako ni txi tovela madhimoni ngu Moya wa Txizimu, kha ditshuri Mfumo wa Txizimu wu hokile kwanu.

Luka 3:22

Se Moya wo Sawuleka wu to txhika txitimwi kwakwe ngu txifaniso txa txituvane. Se dipswi da kuta ngu nzumani di to pfala, di txi kha dona: “Awe u Mwanana wangu wo randeka ngutu; ni vekile kwako kotshe kutsaka kwangu.”

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Johani 10:32

Jesu a to va xamula, a txi khene: “Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?”

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Matewu 9:35

Jesu a txi tsimbilatsimbila sidhoropanani ni mikhokholani, a txi gondisa masinagogani, e txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.

2 Makronika 17:9

Ve rendeleka madhoropa otshe a va ka Judha, va txi gondisa vathu ani ditikoni da Judha va di ni dibhuku da Mlayo wa Mkoma.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Luka 9:42

A di ngadi a txi tshuketa, didhimoni di to mu ginyalata, di txi mu dhudhumelisa, kambe Jesu a to dhusa moya wule wa nzambwa, se e hanyisa mwanana e mningela ka tate wakwe.

Matewu 12:15

Jesu a di ti zivile, a to khukha ka wukhalo wule. Vavangi va to mu londetela, se ene e va hanyisa votshe,

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Marku 6:6

A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Luka 9:56

Se va to huma veya ka wumwani m'ti.

Mithumo 10:37

Anu ma tiziva ti ti nga maheka ka dotshe ditiko da Judheya, kukhukhela Galileya, msana ka kubhabhatiswa kuwa ku nga txhumayelwa ngu Johani;

1 Johani 2:20

Se anu mi totilwe ngu kusawuleka, ma tiziva totshe.

Matewu 9:19

Se Jesu na a di khukhile, a to mlondisa ni vagondiswa vakwe.