Mithumo 10:34 - Bhiblia Yo Sawuleka

³⁴ Konaho Pedro a to khata kuwombawomba, a txi khene: “Kha ditshuri se na ti wona ti to Txizimu kha txi khedhi m'thu.

Mithumo 10:34 Referans Kwoze

Varoma 2:11

nguko Txizimu kha txi yi ngu khohe ya m'thu.

2 Makronika 19:7

Konkuwa koko, thavani Mkoma, mi vekisa ni kuxayisa sileleto sakwe nguko kha ku na kukanganyisa ka Mkoma Txizimu txathu, hambi kuya ngu khohe ya m'thu, hambi kuamukela simaha.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Vakolosa 3:25

Ngu toneto, awu a mahako to wekela a na amukela hakhelo yo wekela wakwe. Txizimu kha txi yi ngu khohe ya m'thu.

Jobe 34:19

Ngutu-ngutu Txizimu txi si nyenyiko mthangeli, hambi kukhatalela nyatithombe kupinda txisiwana; nguko sotshe mthumo wa manza a txona.

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Vaefesu 6:9

Nananu vakoma, mahisani toneto kwawe, mi txi leka ku va dhusetela, ngu kuziva ti to Mkoma wu i ku wawe ni wanu i mmweyo a ku nzumani, ni ti to ene kha yi ngu khohe.

Luka 20:21

Se va to mu wotisa, va txi kha vona: “M'gondisi, ha tiziva ti to wa womba-womba ni kugondisa kha kwati ni kululamisa, kambe khu woni ngu khohe ya m'thu, aniko u gondisa nzila ya Txizimu ngu ditshuri.

Jakobe 2:9

Aniko, ngako mi txi sawula madingano ni khohe ya m'thu, mi maha txionho, mi na abaniswa ngu mlayo, nga sindaka-milayo.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Vagalatiya 2:6

Se ngu didhawa da vale va nga ti woneka nga vathangeli va kona, mwendo kambe i ti si nga vona, kha ni nga ni mhaka nato: Txizimu kha txi yi ngu khohe ya m'thu vonavo kha va nga ni kurumeta kuengetela txilo.

Jakobe 2:4

Ina toneto hi nga kusawula mi ku mahako hagari kwanu, mi txi ti maha valamuli va mialakanyo ya kubiha, kani?

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

Matewu 5:2

Se ene a to tula txisofu, e khata ku va gondisa, Jesu a ti khene:

Mithumo 8:35

Sekoko Filipi a to tula txisofu, e khukhela ka wona m'bhalo wu wa dibhuku, e m'gela Evhangeli ya Jesu.

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Jakobe 2:1

Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.