Mithumo 10:30 - Bhiblia Yo Sawuleka

³⁰ Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Mithumo 10:30 Referans Kwoze

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Mithumo 1:10

Na va di ngadi va txi wonetela nzumani, mbimo yi ene a nga txi tsula, konaho ku to humelela majaha mambidi, ma nga ti ambate tinguwo to basa,

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Luka 24:4

Se, va di ngadi va txi xamala ngu tona, hingani wona: Vavamna va vambidi va to humelela kwawe, va di ni tinguwo to phatima.

Marku 16:6

Kambe dijaha di to va gela di txi kha dona: “Mi nga dhukeni! Mi lava Jesu wa Nazareta, awu wo bethelwa ha txihambanoni: A wukile, kha nga ho hawa. Wonani wukhalo wu va nga ti mu vekile ka wona.

Matewu 28:3

Khohe ya yona yi ti khetima nga kukeluka ka nzuma, se tinguwo ta yona ti ti basile kufana ni hunguva.

Masalmo 55:17

Ni minova, ni mixo, ni dhina ni na khongela; ni na kwangula, se ene a na engisa dipswi dangu.

Dhaniyeli 10:12

Sekoko a to khene kwangu: U nga thave, Dhaniyeli, nguko kukhukhela ditshiku do khata u nga tsanisa mbiluni kwako, kupfisisa ni kutiveka hahatshi masoni ka Txizimu txako, txi engisile kukombela kwako; se ani ni tile ngu mhaka ya mapswi ako.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Mithumo 10:29

Ngu konaho, neti ni nga dhanwa, ni tile, ni si kanakani; se konkuwa, na mi wotisa mhaka yi mi nga ni dhanela yona.”

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.