Mithumo 10:28 - Bhiblia Yo Sawuleka

²⁸ Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Mithumo 10:28 Referans Kwoze

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).

Mithumo 11:9

Di to engeta di ta ngu nzumani dipswi, di txi kha dona: ‘Txilo txi txi nga basiswa ngu Txizimu u nga thuke u txi khawe txa yila.’

Johani 18:28

Msana keto, va to teka Jesu ve khukha nayo m'tini ka Kayifasi kuya thethiswa, ve mu heleketa nyumbani ka wukoma. I ti mixo. Vona kha va wulela nyumbani mule ka wukoma ngu kuthava kutinyenyezisa, kasi va txi na mana kudya Pasika.

Johani 4:27

Kunukunuko va to bwaka vagondiswa vakwe, se ni vona va to xamala ngu kuwa Ene a nga txi womba-womba ni wamsikati. Hambi keto, kuwalo ni wammweyo wa vagondiswa, a nga mu wotisa tito: “U lava txani kani?” Mwendo ku: “Njitxani u bhulako nayo kani?”

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

Luka 18:11

Mfarisi a di emile, a txi khongelisa tiya khanani kwakwe: ‘Txizimu, na ku bonga, nguko kha ni fanani ni vamwani vathu, i ku makhamba, sidambu, ni vamahi va wugango; kambe hambi mkhupisi wuwa kha ni fanani nayo.

Marku 7:2

Se ngako va txi wona vagondiswa vokari va Jesu, na va txi dya sakudya ngu manza a nzambwa, ti ti wombako ku va sa thanga ngu kusamba manza, va to sola.

Mithumo 10:29

Ngu konaho, neti ni nga dhanwa, ni tile, ni si kanakani; se konkuwa, na mi wotisa mhaka yi mi nga ni dhanela yona.”