Mithumo 10:25 - Bhiblia Yo Sawuleka

²⁵ Ngu mbimo yi Pedro a nga ti ti wulela m'tini ka Korneliyo, ene a to mu hingeta, a txi bwaka a txi khizama masoni kwakwe, a txi mu khozela.

Mithumo 10:25 Referans Kwoze

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Matewu 8:2

Sekoko a txi ta kwakwe m'thu wa tshekela, a txi mu khizamela a txi khene: Mkoma ngako u txi ti lava, u na ni mtamo wa ku ni basisa.”

Dhaniyeli 2:46

Sekoko mfumeli Nebhukodhonosori a to wa ngu mbanza yakwe, e khozela Dhaniyeli, e leleta ti to Dhaniyeli e mahelwa mningelo wa sakudya, ni kuhiselwa dibaselo.

Dhaniyeli 2:30

Se ani ni wonisilwe txihunja txiya, na i si nga ngu ku ani no va ni wutxhari wa hombe kupinda votshe vathu, aniko kasiku txhamuselo ya kona yi hoka ka mfumeli, ni ti to u pfisisa maalakanyo a mbilu yako.

Matewu 14:33

Se ava va nga ti ngalavani, va to tshuketa ve mu khizamela, va txi kha vona: “Kha ditshuri u Mwanana wa Txizimu!”