Mithumo 10:22 - Bhiblia Yo Sawuleka

²² Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Mithumo 10:22 Referans Kwoze

Mithumo 11:14

Ene a na kugela timhaka ti u no hanyiswa ngu tona, awe ni wotshe mwaya wako.’

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

3 Johani 1:12

Dhemetriyo va msuma wunene votshe vathu; ditshuri ni dona da mfakazela, nanathu ha mfakazela, se nanu ma tiziva ti to wufakazi wathu mbwa ditshuri.

2 Pedro 3:2

kufela ku mi khumbukisa mapswi ale ma nga wombwa kale ngu vaprofeti vo sawuleka, ni txileleto txa Mkoma ni Muhanyisi, atxi mi nga ningwa txona ngu Vapostoli vanu.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Vahebheru 11:2

Ngu mhaka ya likholo, vakale va mani nduma ya yinene.

Vahebheru 10:38

Mlulami a na hanya ngu likholo, aniko ngako a txi tshumelela msana, moya wangu kha wu na mbi mtsakela.”

1 Timoti 3:7

Hahanze keto, ta laveka ti to i di m'thu wu vamwani va hahanze va mmahelako wufakazi wa wunene, kasiku asi soleki ni kubzwetwa ngu milawu ya Sathani.

2 Vakorinto 5:18

Totsheto ti ta ngu ka Txizimu, atxi txi nga hi tshanganisa natxo ngu Kristu; txona txi hi ningile mthumo wa kutshanganisa vathu kumweko natxo.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

Mithumo 24:15

Txithembo txi ni ku natxo ka Txizimu, ni vona va natxo: Ti to vo lulama ni va ku ambi lulama va na wuka ka vakufa.

Mithumo 22:12

“Koneyo ku ti ni m'thu wokari, a nga ti dhanwa ku i Ananiya, i nga ti m'thu wa wukhongeli ni mlondeteli wa Mlayo, awu a nga ti sumwa wunene ngu Vajudha va didhoropa.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Mithumo 10:6

Ene a endete ka nyumba ya wu va ku i Simoni mtxhuki wa madhowo, awu nyumba yakwe yi ku hafuhi ni linene.”

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

Johani 17:20

“Kha ni khongeleli vona dwe, kambe ni khongelela ni vona va va no kholwa kwangu ngu dipswi dawe.

Johani 17:8

Nguko ni va ningile mapswi awa awe u nga ni ninga, se vona va ma amukete; va tiziva ngu ditshuri ti to ni ta ngu kwako, kambe va tumela ti to ngawe u nga ni ruma.

Johani 13:20

Ngu ditshuri, ngu ditshuri, na mi gela ku khani: Awule a amukelako wuhi ni wuhi ni no mruma, a amukela ani nipune; awule a ni amukelako, a amukela awu a nga ni ruma.”

Johani 6:68

Simoni Pedro a to angula a txi khene: “Hi na ya ka mani kani Mkoma kani? Awe ngawe u ku ni mapswi a wutomi wo mbi guma.

Johani 6:63

Moya ngu wona wu hanyisako, kasi mmidi kha wu vhuni txilo. Mapswi awa ni nga mi gela i moya ni wutomi.

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Luka 23:50

Ku ti ti ho wamwamna, a nga ti dhanwa ku i Josefa, i nga ti txihango txa Dibanza, m'thu wamnene, na a di lulamile,

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Matewu 1:19

Aniko Josefa, mwamna wakwe, ngako i nga ti m'thu wo lulama, asi ti lavi ku mu bhumisa phungo yo biha, a to alakanya ku mu leka, na ti si ziwi.

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Matewu 2:12

Ngako va di zivisilwe ngu mu ka miloro, ti to va si pindi ngu ka Herodha, va to tshumela ngu yimwani nzila ve tsula ditikoni kwawe.

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

Mithumo 10:21

Se Pedro a to txhika e va yela, a txi ya khene: “Ngani awu mi mlavako. Nji txani txi mi tisako kani?”

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Dhewuteronome 30:13

Kambe kha wu nga mtxhatuko ka linene, aha koza u txi womba ku khawe: “I mani a no hi tshunda kutxhatuka, kasi ku wu wuyisa kwathu, ti to hi txi sikota ku wu engisa, hi wu xayisa, kani?”