Mithumo 10:14 - Bhiblia Yo Sawuleka

¹⁴ Kambe Pedro a txi khene: “Txima kha ni na mbi dya, Mkoma! Nguko kukhukhela wutomini kwangu, kha ni dyi txilo txi txi yilako ni txi txi nga mbi basa.”

Mithumo 10:14 Referans Kwoze

Levhi 20:25

Anu mi fanete kuziva kuhambanisa sihari so yila ni sihari so mbi yila, sinyana so yila ni so mbi yila; mi si ti nyenyezisi ngu sihari ni sinyana ni si si tsimbilako ngu dibindi, ha mafuni, asi ni nga mi gondisa ku si ziva, ni txi mi gela asi i ku so yila.

Ezekhiyele 4:14

Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.

Dhaniyeli 1:8

Se Dhaniyeli a to xambanya mbiluni kwakwe ti to kha na mbi thuka e ti nyenyezisa ngu kudya sakudya sa mfumeli, hambi kusela vhinya yakwe; ngu kumaha keto, a to kombela kuvhunwa ngu mthangeli wa mithenwa ku asi ti nyenyezisi.

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Mithumo 9:5

Se ene a to khene: “Ngawe mani, Mkoma kani?” Mkoma a txi khene: “Ngani Jesu, ngani wu awe u mu xanisako.

Luka 1:60

Aniko mame wakwe a to angula a txi khene: “Lambi! Ene a na dhanwa ku i Johani.”

Matewu 25:9

Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’

Matewu 16:22

Pedro a to m'dhana ngu phuho e khata ku mu kawuka, a txi khene: “Txizimu txi na ku hulukise keto, Mkoma! Eto txima kha ti na mbi maheka kwako.”

Ezekhiyele 44:31

Ni txa tximwetxo txa kuva txi di fite, mwendo txo maha ngu kudawa, ka sinyana ni ka sihari, kha na mbi dya mphaxeli.

Eksodha 10:11

Kha ti na mbi maheka eto, aniko tsulani anu mokha vavamna, mi txi ya khozela Mkoma Txizimu; nguko ngu toneto anu mi nga kombela tona.” Se va to va tutumisa masoni ka Faro.

Genesisi 19:18

Loti a to xamula, a txi khene: “Ahim-him, Mkoma, ani na ku kombela!

Matewu 8:2

Sekoko a txi ta kwakwe m'thu wa tshekela, a txi mu khizamela a txi khene: Mkoma ngako u txi ti lava, u na ni mtamo wa ku ni basisa.”

Matewu 15:11

Hi nga sona si si wulelako mkanani si bihisako m'thu; aniko asiya si humako ngu mkanani ka m'thu ngu sona si mu bihisako.”

Marku 7:2

Se ngako va txi wona vagondiswa vokari va Jesu, na va txi dya sakudya ngu manza a nzambwa, ti ti wombako ku va sa thanga ngu kusamba manza, va to sola.

Johani 4:11

Wamsikati a to khene: “Mkoma, khu nga ni txo reka ngu txona mati txisimani, kambe ni txona txisima txi hokomile, se u na ma mana hani mati a kuhanya kani?

Mithumo 10:13

Se ku to pfala dipswi kwakwe, di txi kha dona: “Pedro, khukha u txi ema! Daya u txi dya!”

Mithumo 22:8

Ani ni to angula, ni txi khani: ‘Ngawe mani, Mkoma kani?’ Konaho ene a to xamula a txi khene: ‘Ani ngani Jesu wa Nazareta, awuwa awe u mu xanisako.’