Mithumo 10:10 - Bhiblia Yo Sawuleka

¹⁰ Se a to pfa nzala e lava kudya, ku ti ngako va di ngadi va txi mu longisela sakudya, a to wona txiwoniso.

Mithumo 10:10 Referans Kwoze

Mithumo 22:17

“Se ku to maheka taku, na ni di wuyile Jerusalema, ngu mbimo yi ni nga ti khongela dithepeleni, ni to gulwa moyani;

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Matewu 21:18

Mbimo yi Jesu a nga ti wuya didhoropani, ni mixo ngutu, a to pfa nzala.

Matewu 4:2

Se na a di ti toni amu ka mune wa magumi a masiku ni mune wa magumi a wusiku, a to pfa nzala.

Ezekhiyele 40:2

Ngu txiwoniso txa Txizimu, di to ni yisa ditikoni ka Israyeli, di txi ya ni veka txitimwi ka mmango wo guleka ngutu; ku ti ti ni so fana ni didhoropa di nga akwa, txitimwi ka mimango, ngu didhawa da wulambwe.

Ezekhiyele 11:24

Msana keto, Moya wu to ni khukhisa wu txi ni gula ngu txiwoniso kala didhoropani, ka vale va nga ti ti wukhumbini; se txiwoniso txile ni nga txi wona, txi to khukha.

Mitengo 24:16

kuwombawomba wu a nga pfa dipswi da Txizimu; awu a nga wona txiwoniso txa wule wa Mtamo-wotshe awu mbimo yi awako, maso akwe ma tulekako.

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Mithumo 11:5

A txi khene: “Ni ti didhoropani ka Jopa na ni txi khongela. Se ni to wona txiwoniso. Ni woni txiya txo nga nguwo ya hombe, yi nga ti txhika ngu nzumani, na yi di sungilwe ngu mu ka mune wa misulo, yi ta hoka kwangu.