Mithumo 1:8 - Bhiblia Yo Sawuleka

⁸ Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Mithumo 1:8 Referans Kwoze

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Mithumo 5:32

Athu hi tifakazi ta timhaka tiya kumweko ni Moya wo Sawuleka, awu Txizimu txi wu rumelako ka vale va txi engisako.”

Mithumo 4:33

Vapostoli va txi fakazela kuwuka ka Mkoma Jesu ngu mtamo wa hombe, ka votshe ku ti ti ni kateko ya hombe.

Mithumo 6:8

Sitefani, a di tate ngu kateko ni mtamo, a to maha sidiwukiso ni sikombiso hagari ka vathu.

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

Johani 15:27

Nananu mi na va mi di tifakazi tangu, nguko mi ni nani kukhukhela kukhatani.”

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Mithumo 1:5

Johani a bhabhatisile ngu mati, aniko anu mndani ka mbimo yokari, mi na bhabhatiswa ngu Moya wo Sawuleka.”

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Mithumo 2:32

Se ngene Jesu wu Txizimu txi nga mu wusa; hotshethu hi tifakazi ta mhaka yiya.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Mithumo 22:15

Nguko u fanete kuva u di fakazi masoni ka votshe vavamna, ya tiya u nga ti wona ni ku tiengisa.

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Mithumo 13:31

Se ngu masiku o tala a ti wonekisile ka vale va nga ti kwete nayo kukhukhela Galileya kala kuya hoka Jerusalema, vonavo konkuwa i ku tifakazi takwe hagari ka ditiko:”

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Mithumo 3:15

mi txi dayisisa mningi wa wutomi. Txizimu txi mwusile ngu ka vakufa; athu hi tifakazi ta eyo mhaka.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Luka 24:29

Vona va to mkombela ngu kutamarisa va txi kha vona: “Zumba ni nathu, nguko ditambo di ya kuswani, se mbusiku.” Se Ene a to wulela m'tini e zumba navo.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.