Mithumo 1:4 - Bhiblia Yo Sawuleka

⁴ Hagari ka kuva a di khalahatshile navo ha sakudyani, a to va gela, a txi khene: “Mi nga khukheni muwa Jerusalema, aniko verelani Txithembiso txa Tate, i ku wule ni khalako ni txi womba-womba ngu ngene.

Mithumo 1:4 Referans Kwoze

Luka 24:49

Wonani: Ani ni na ya mi rumela, txi ta kwanu, txithembiso txa Tate wangu. Kambe zumbani didhoropani kala kuza mi txi ambaliswa mtamo wa kuta ngu txitimwi.”

Johani 14:16

Se ani ni na kombela ka Tata, ti to ene e mi rumela mmwani Mthaveleli, kasi e ta zumba ni nanu yotshe mbimo,

Johani 15:26

“Mbimo yi a nota Mthaveleli, awu ni no m'rumela kwanu, a txi huma ngu ka Tata, i ku Moya wa ditshuri, a humako ngu ka Tata, ngene wu a nota maha wufakazi ngu ngani;

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Johani 20:22

A di wombile tiya, a to va futetela, na a txi khene: “Amukelani Moya wo Sawuleka.

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

Luka 11:13

Ngu toneto, eko hambi anu, mi ku vabihi, mi zivako kuha sa sinene vanana vanu, ngutu-ngutu Tate wa nzumani a na pindisa ngutu kuninga Moya wakwe wo Sawuleka, ka vale va mkombelako!”

Mithumo 10:41

i si nga ka votshe vathu, aniko ka tifakazi ti ti nga sawulwa ngu kale ngu txona Txizimu: I ku athu hi nga dya, hi txi sela kumweko nayo, msana ka kuva a di wukile ngu ka vofa.

Matewu 10:20

Nguko hi nga anu mi no womba-womba, aniko i Moya wa Tate wanu wu no womba-womba ngu nganu.”

Mitengo 9:22

Hambi ngako direfu di txi zumba txitimwi ka nyumba masiku mambidi, mwendo mtxima, mwendo mbimo yo lapha ngutu, ni vona vanana va ka Israyeli va ti ka so zumba ka matenda awe va si khukhi; se ku nga ti direfu di txi khukha ni vona va txo khukha.