Mithumo 1:16 - Bhiblia Yo Sawuleka

¹⁶ “Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Mithumo 1:16 Referans Kwoze

Masalmo 41:9

Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.

Johani 13:18

“Kha ni wombi ngu nganu motshe; na va ziva ava ni nga va sawula. Aniko ta laveka ti to Mibhalo yi tatiseka, ayi yi kha yona: ‘Awu a dyako mndiwo ni nani, a ni wukete a txi ni ganyata ngu txizenende txakwe.’

Mithumo 1:20

Nguko dibhukuni ka Masalmo, kubhatwe taku: ‘M'ti wakwe wu na maha dirumbi; kha ku na mbi ngadi ku va ni m'thu wu a zumbako kona.’ ‘Se mmwani a na teke txikhunja txakwe.’

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Matewu 26:54

Se yi na tatisekisa kutxani Mibhalo yi yi wombako ti taku: Totshe tiya ti fanela kumaheka?”

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

Marku 14:43

Ene a di ngadi a txi womba-womba, a to bwaka Judha, mmweyo wa vale va digumi ni vambidi, kumweko ni mtxawa wa hombe wu nga ti xomile matxhari ni migomba, na va txi rumwa ngu vaphaxeli va hombe ni vabhali ni madhota a ditiko.

2 Pedro 2:21

Ngu toneto, i ti tshuko kwawe, idiku va ti sa yi ziva nzila yo lulama, kupinda ku, msana ka ku yi ziva, ve hambuka ka mlayo wo sawuleka awu va nga ningwa wona.

Mithumo 23:6

Kambe Paulo, ngako a nga ti tiziva ti to vamwani hagari kwawe i ti Vasadhusi, vamwani i ti Vafarisi, a to guleta dipswi masoni ka madhota, a txi khene: “Vanathu, ani ni mfarisi, mwanana wa Vafarisi, ni lamulwa ngu mhaka ya kuthemba kwathu ka kuwuka ka vafi.”

Mithumo 23:1

Paulo a to ronokela va madhota, a txi khene: “Vanathu, ni hanyile ngu nzila yo lulama masoni ka Txizimu kala ditshiku da nyamsi.”

Mithumo 22:1

“Vanathu ni vatate, konkuwa engisani ti ni lavako ku mi gela, kasiku ni txi ti fakazela.”

Mithumo 15:7

Msana ko wombawombisana ngutu, Pedro a to khukha a txi ema, a txi khene kwawe: “Vanathu, ma tiziva ti to Txizimu txi ni sawute hagari kwanu kukhukhela makhatoni kasiku vamatiko ve engisa dipswi da Evhangeli di txi txhumayelwa ngu txisofu txangu, tito, ve kholwa.

Mithumo 13:38

Vanathu, ti ziveni ti to kudivalelwa ka sionho ku nuwelwa kwanu ngu ngene m'thu wuwa.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Johani 19:36

Nguko totshe tiya ti mahekile kasi kutatiseka ati ti nga bhalwa, va txi kha vona: “Dirambu dakwe ni da dimwedo kha di na mbi funywa.”

Johani 10:35

Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo.

Luka 22:47

Ene a di ngadi a txi womba-womba, ku to haruka mtxawa wa vathu, na va txi thangelelwa ngu mmweyo wa va digumi ni vambidi, a dhanwako ku i Judha, a nga ti thangete masoni; ene a to tshuketela Jesu, a txi mu pswopswa.

Marku 12:36

Kasi Dhavhidha ene a wombile ngu Moya wo Sawuleka, a txi khene: ‘Mkoma a ti khene ka Mkoma wangu: Khalahatsha txineneni kwangu kala ni maha valala vako txikhigetelo txa mikondo yako.’

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Mithumo 28:25

Se ngako va nga ti si pfani, va to khata kuhangalaka. Se Paulo a to va gela dipswi dimwedo, a txi khene: “Ngu ditshuri, Moya wo Sawuleka wu wombile ngu txisofu txa mprofeti Isaya ka vatate vanu, wu txi kha wona:

Mithumo 28:17

Msana ka masiku mararu, Paulo a to ramba va i ku vahombe hagari ka Vajudha. Ku ti ngako va di sengeletani, a ti khene kwawe: “Vanathu, hambiko ni nga mbi maha txilo txa kuhoxela ditiko dathu, hambi mikhuwo ya vatate vathu, ni ñotwe ni di Jerusalema, ni txi ningelwa manzani ka Varoma.

Mithumo 15:13

Ku ti ngako va di hetile kuwombawomba, Jakobe a to teka dipswi, a txi khene: “Vanathu, ni engiseni.

Matewu 26:14

Sekoko konako, mmweyo wa vale va digumi ni vambidi, a dhanwako ku i Judha Iskariyoti, a to ya ka vaphaxeli va hombe, a txi ya khene:

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

2 Vafumeli 15:12

Adiya ngu dona dipswi dile Mkoma a ngadi womba ka Jehu, a txi khene: Vanana vako kala ka liveleko la wumune, va na zumba ha txikhaloni txa wukoma txa Israyeli. Se ti to mahekisa toneto.