Mithumo 1:15 - Bhiblia Yo Sawuleka

¹⁵ Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 1:15 Referans Kwoze

1 Vakorinto 15:6

Msana keto, a ti wonekisile ka vanathu vo pinda mtxhanu wa mazana, ngu txikhati tximwetxo; ava, hagari ka vona, vamwani va ku ngadi va txi hanya ni nyamsi, aniko vamwani se va fite.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Johani 21:23

Ngu konaho mhaka yiya yi to hangalaka hagari ka vanawe, ti to mgondiswa wule kha na mbi fa. Kambe Jesu kha womba tona taku khene kha na mbi fa; aniko a ti khene: “Ngako ni txi lava ku a na zumbe kala ni wuya, ku nga va i di txani kwako kani?”

Mtuletelo 3:4

Kambe, didhoropani ka Sardhisi, u na ni vathu vavadotho va va nga mbi nyeta syambalo sawe, vona va na tsimbila ni nani, va di ambate tinguwo to basa, nguko va ni fanelo yeto.

Johani 14:12

“Ngu ditshuri, ngu ditshuri na mi gela ku khani: Awule a kholwako kwangu, a na maha nene mithumo yi ani ni yi mahako, kambe a na maha mithumo ya hombe yo pinda yiya, nguko ani se na tsula ka Tata.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Matewu 13:31

Se a to va mahela kambe tximwani txidinganiso a txi khene: “Mfumo wa nzumani wu fana ni mbewu ya txinapi, ayi m'thu wokari a nga yi teka, e yi phaya thembweni kwakwe.

Mithumo 10:23

Sekoko Pedro a to va dhana ve wulela nyumbani e va ninga wukhalo. Ni mixo, Pedro a to khukha e tsula navo, kumweko ni vanawe vokari va Jopa.

Mithumo 11:1

Kambe vapostoli ni vanawe, ava va nga aka ditikoni ka Judheya va ti engisile ti to vamatiko ni vona va amukete dipswi da Txizimu.

Mithumo 11:12

Se Moya wu to ni gela ti to ni na tsule navo, ni si kanakani; vanathu vava va mtxhanu ni mmweyo va to tsula kumweko ni nani. Se hi ti ya wulela m'tini ka ene Korneliyo wuwa.

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mithumo 11:29

Se vagondiswa va to engisana ka mhaka yi ya ku mmwani ni mmwani e rumela asi a si manako, kasi kuya vhuna vanawe va va zumbako ditikoni ka Judheya.

Mithumo 12:17

Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Mithumo 14:2

Aniko Vajudha va va nga mbi kholwa va to kujetela vamatiko kasiku timbilu tawe ti txi wukela vanathu.

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Mithumo 15:3

Ku ti ngako va di longetwe sotshe ve heleketwa ngu Dibanza, va to pinda ngu Fenikiya ni Samariya, va txi womba-womba ngu kuhunduluka ka vamatiko, se vanawe ve tsakiswa ngutu ngu mhaka yiya.

Mithumo 16:2

Timoti a ti sumwa wunene ngu vanawe va Listra ni Ikoniyo.

Mithumo 16:40

Ngako va di humile ngu mkorani, Paulo ni Silasi va to tsula ka Lidhiya. Se ngako va di wonani ni vanawe, va to va laya, ve khukha ve tsula.

Mithumo 17:6

Se ngako va di va pwati, va to ruruvisa Jasoni ni vanawe vokari, ve va yisa masoni ka tinduna ta didhoropa, veya kwangula va txi kha vona: “Vathu va va nga wusa vhilinganya ka dotshe ditiko va hokile ni kona muwa kwathu,

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Mithumo 17:14

Konaho, vanawe va to kuluveta ve humisa Paulo ve mu yisa lineneni. Kambe Silasi ni Timoti va to sala.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mithumo 18:27

Se ngukuva a nga ti lava kuya Akaya, vanawe va to mtsanisa ve bhalela dipapilo vagondiswa, kasiku ve mu amukela. Ngako a di bwakile kwawe, a vhuni ngutu makholwa ngu wunene wa kateko ya Txizimu.

Mithumo 21:7

Se athu, ngako hi di txhatukile, hi to pinda Tiro hi txi ya Pitolomayi, se msana ka kulosana ni vanathu, hi to zumba ditshiku dimwedo navo.

Mithumo 21:17

Ngako hi di hokile Jerusalema, vanathu va hi amukete ngu kutsaka.

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”

Mithumo 28:14

Ngako hi di mani konaho vanathu, vona va to hi kombela ti to hi zumba navo mtxhanu wa masiku ni mambidi. Ngu toneto, hi nga pindisa txona hi txi ya Roma.