Mithumo 1:11 - Bhiblia Yo Sawuleka

¹¹ ayawa ma nga va gela, ma txi kha ona: “Majaha a Galileya, nji txani mi zumbako mi txi wonetela nzumani kani? Ene Jesu wu a nga gulwa hagari kwanu e kwela nzumani, a na wuyisa tona tiya mi nga mu wonisa tona a txi tsula nzumani.”

Mithumo 1:11 Referans Kwoze

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Johani 14:3

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Mithumo 13:31

Se ngu masiku o tala a ti wonekisile ka vale va nga ti kwete nayo kukhukhela Galileya kala kuya hoka Jerusalema, vonavo konkuwa i ku tifakazi takwe hagari ka ditiko:”

Luka 24:5

Ngako va di tate ngu kuthava, vavasikati va to namisa tikhohe tawe, va txi wona hahatshi. Vavamna va to va gela va txi kha vona: “Mi lavela txani hagari ka vafi awu a hanyako, kani?

Mithumo 3:12

Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”

Mithumo 2:7

Se votshe ve diwuka ni kuxamala, va txi kha vona: “Vona vathu va va wombawombako, ina hi nga va Galileya votshe kani?

Marku 14:70

Aniko ene a to kaneta ka wumbidi. Se msana ka mbimonyana ya yidotho, ava va nga ti ti ho konaho, va to womba kambe ka Pedro va txi kha vona: “Awe ngu ditshuri u mmweyo wawe, nguko nawe u Mugalileya.”

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Mithumo 1:2

kala ka ditshiku di a nga kweliswa ngu dona nzumani, msana ka kuva a di leletile, ngu Moya wo Sawuleka, vapostoli va a nga va sawula.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Mithumo 3:21

awu nzuma yi fanelako ku mu amukela, kala kuza kuhoka mbimo ya kuwuseta sotshe si Txizimu txi nga si womba ngu sisofu sa votshe vaprofeti va txona vo sawuleka, va kale ni kale.

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.