Mithumo 1:10 - Bhiblia Yo Sawuleka

¹⁰ Na va di ngadi va txi wonetela nzumani, mbimo yi ene a nga txi tsula, konaho ku to humelela majaha mambidi, ma nga ti ambate tinguwo to basa,

Mithumo 1:10 Referans Kwoze

Luka 24:4

Se, va di ngadi va txi xamala ngu tona, hingani wona: Vavamna va vambidi va to humelela kwawe, va di ni tinguwo to phatima.

Johani 20:12

e wona tingelozi timbidi, ti di ambate so basa, na ti di khalahatshile ka wukhalo wuwa txirumbi txa Jesu txi nga ti otelisilwe kona, yimweyo yi di ngu misungoni, yimwani yi di ngu minengeni.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Marku 16:5

Va di wulete diyivani, va to wona dijaha di di khalahatshile, didhawa da txinene, di di ambate nguwo yo basa, se ve xamala ngutu.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Matewu 28:3

Khohe ya yona yi ti khetima nga kukeluka ka nzuma, se tinguwo ta yona ti ti basile kufana ni hunguva.

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Dhaniyeli 7:9

Ani ni to simama ni wona, an'ze kuza ku txi vekwa situlu sa wukoma, se didhota da kale di to khalahatshi; syambalo sa dona i ti so basa kufana ni hunguva, ni misisi ya msungo ka dona i ti yo basa kufana ni matoya o basa; txikhalo txakwe txa wukoma txi ti fana ni titshatsha ta mndilo, ni mathandani a txona ma ti fana ni dituro da mndilo.

Mtuletelo 3:4

Kambe, didhoropani ka Sardhisi, u na ni vathu vavadotho va va nga mbi nyeta syambalo sawe, vona va na tsimbila ni nani, va di ambate tinguwo to basa, nguko va ni fanelo yeto.

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

2 Vafumeli 2:10

Se ene a to khene: U kombete tximaha txo nemela. U txa nga ni wona ni txi thaviswa hafuhi kwako, ti na maheka eto u kombelako; hahanze keto kha ti na mbi ku mahekela.