Mitengo 9:8 - Bhiblia Yo Sawuleka

⁸ Se Mosi a ti khene kwawe: Khalahatshani, na engisa ti Mkoma a no mi leleta tona.

Mitengo 9:8 Referans Kwoze

Masalmo 85:8

Ni na engisa atile Txizimu txi no womba. Kha ditshuri Mkoma a thembisile kudikha ka vathu vakwe, ka vathu va va m'thembako kasiku va si tshumeleli wupumbuni.

Mitengo 27:5

Se Mosi a to teka timhaka e ti veka masoni ka Mkoma.

1 Vakorinto 11:23

Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;

1 Vakorinto 4:4

Mbiluni kwangu kha ni ti pfi mnandu wa txilo; aniko, hambi keto, kha ni wombi ti to ni mlulami: Awu a sikotako ku ni lamula ngu Mkoma.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Johani 17:8

Nguko ni va ningile mapswi awa awe u nga ni ninga, se vona va ma amukete; va tiziva ngu ditshuri ti to ni ta ngu kwako, kambe va tumela ti to ngawe u nga ni ruma.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Ezekhiyele 3:17

Awe mwanana wa m'thu, ni kuvekile kuve muwoneleli wa nyumba ya ka Israyeli; se awe u na pfa dipswi da txisofu txangu, se u na va txharihisa wukhaloni kwangu.

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Eksodha 18:15

Sekoko Mosi a to khene ka msade wakwe: “Nguko vathu va ta kwangu kasi ku wotisa ti to Txizimu txi womba txani ngu timhaka tawe.

Mitengo 9:7

Se vavamna vale va to kha vona: Hi nyenyezisilwe ngu txirumbi txa m'thu, ina hi na tsimbwa kuningela mningelo ka Mkoma, ngu txikhati txi nga emiswa ka vanana va ka Israyeli kani?

Mitengo 9:9

Sekoko Mkoma a to womba ka Mosi, a txi khene:

Mitengo 15:34

Va to m'veka e verela ti a no lamuliswa tona; nguko ku si se wombwa malamulelo akwe.

Levhi 24:12

Va to m'zumbisa a di ñotwe, kala kuza Mkoma e va gela ti va felako ku ti maha ngu ngene.