Mitengo 9:7 - Bhiblia Yo Sawuleka

⁷ Se vavamna vale va to kha vona: Hi nyenyezisilwe ngu txirumbi txa m'thu, ina hi na tsimbwa kuningela mningelo ka Mkoma, ngu txikhati txi nga emiswa ka vanana va ka Israyeli kani?

Mitengo 9:7 Referans Kwoze

Dhewuteronome 16:2

Sekoko u nga mahele Mkoma, Txizimu txako, Pasika, u txi daya tinvuta ni tihomu, ka wukhalo wule Mkoma, Txizimu txako, a no wu sawula, kasi ku di zumba kona ditina dakwe.

Mitengo 9:2

Vanana va ka Israyeli va na xayise Pasika ngu timbimo ta kona.

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Mitengo 9:6

Ka onayo masiku, ku ti ti ni vathu va nga ti nyenyezisilwe ngu txirumbi txa m'thu wa kufa, se ve yila ngu donedo ditshiku. Va tota masoni ka Mosi ni ka Aroni, ve ta ti kombisa.

Mitengo 9:8

Se Mosi a ti khene kwawe: Khalahatshani, na engisa ti Mkoma a no mi leleta tona.