Mitengo 9:6 - Bhiblia Yo Sawuleka

⁶ Ka onayo masiku, ku ti ti ni vathu va nga ti nyenyezisilwe ngu txirumbi txa m'thu wa kufa, se ve yila ngu donedo ditshiku. Va tota masoni ka Mosi ni ka Aroni, ve ta ti kombisa.

Mitengo 9:6 Referans Kwoze

Mitengo 27:2

se va to ya ema masoni ka Mosi, ni masoni ka Eleyazari, mphaxeli, ni masoni ka vathaveli, ni ka wotshe msengeletano, ka ditimba da ditenda da msengeletano, va txi kha vona:

Eksodha 18:15

Sekoko Mosi a to khene ka msade wakwe: “Nguko vathu va ta kwangu kasi ku wotisa ti to Txizimu txi womba txani ngu timhaka tawe.

Mitengo 19:16

Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.

Mitengo 19:11

Awu a gwesako txirumbi, a na va a sa sawuleka, txipimo txa mtxhanu wa masiku ni mambidi.

Mitengo 5:2

“Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.

Johani 18:28

Msana keto, va to teka Jesu ve khukha nayo m'tini ka Kayifasi kuya thethiswa, ve mu heleketa nyumbani ka wukoma. I ti mixo. Vona kha va wulela nyumbani mule ka wukoma ngu kuthava kutinyenyezisa, kasi va txi na mana kudya Pasika.

Mitengo 19:18

Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi.

Eksodha 18:26

Vona va ti thethisa vathu ka yotshe mbimo. Timhaka to karata va txi ti yisa ka Mosi, ati ta tidotho va txi ti lamula vona.

Eksodha 18:19

Konkuwa, engisa, mlayo wu ni kugelako, kasiku Txizimu txi txi va ni nawe: Emela vathu masoni ka Txizimu, u txi kombisa timhaka tawe ka Txizimu.

Mitengo 27:5

Se Mosi a to teka timhaka e ti veka masoni ka Mkoma.

Mitengo 15:33

Ava va nga mmana a txi ganga tikhuni, va to mneha ka Mosi ni ka Aroni ni ka wotshe msengeletano.

Levhi 24:11

Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani.

Levhi 21:11

A fanete kuhambana ni kugwesa txirumbi txa ni wuhi m'thu wa kufa, hambi i di txa tate wakwe mwendo mame wakwe.

Mitengo 9:7

Se vavamna vale va to kha vona: Hi nyenyezisilwe ngu txirumbi txa m'thu, ina hi na tsimbwa kuningela mningelo ka Mkoma, ngu txikhati txi nga emiswa ka vanana va ka Israyeli kani?

Mitengo 19:14

Se mlayo wa kufela ditendani ngu wuwa: Votshe va va manekako ditendani, kha ku na mbi fa m'thu, va fanete kuyila, nguko kha va sawuleka; kala mtxhanu wa masiku ni mambidi.