23 Va ti gwimba matenda ngu kuleleta ka Mkoma; se ngu kuleleta ka Mkoma va txi khukha; vona va ti ti xayisa txileleto txa Mkoma, madingano ni ti Mkoma a nga womba ngu dianza da Mosi.
Anu kha ma va leka vanana, ka mbimo yotshe yi ya hombe, kala ka ditshiku da nyamsi, aniko mi xayisile ati ti fanelako kuxayiswa, i ku kuvekisa Mlayo wa Mkoma, Txizimu txathu.
Hambi ngako direfu di txi swela ka wukhalowo, di heta masiku o tala txitimwi ka nyumba, vanana va ka Israyeli va txa so landisela kuleleta ka Mkoma, va si khukhi.
A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.
Kufana ni txihari txi txi relelako mikovani, Moya wa Mkoma wu va ningile kuhumula; ngu toneto u tsimbitisile vathu vako, kasi ku ti mahela ditina do dhundeka.
Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela.