Mitengo 9:22 - Bhiblia Yo Sawuleka

²² Hambi ngako direfu di txi zumba txitimwi ka nyumba masiku mambidi, mwendo mtxima, mwendo mbimo yo lapha ngutu, ni vona vanana va ka Israyeli va ti ka so zumba ka matenda awe va si khukhi; se ku nga ti direfu di txi khukha ni vona va txo khukha.

Mitengo 9:22 Referans Kwoze

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Mithumo 1:4

Hagari ka kuva a di khalahatshile navo ha sakudyani, a to va gela, a txi khene: “Mi nga khukheni muwa Jerusalema, aniko verelani Txithembiso txa Tate, i ku wule ni khalako ni txi womba-womba ngu ngene.

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Masalmo 107:7

A to va tsimbitisa ngu nzila yo lulama, e va yisa ka ditiko di va fanelako kuaka ka dona.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Masalmo 73:24

Ngawe u ni tsimbitisako ngu mlayo wako u na ni amukela kudhumiswani kwako.

Masalmo 48:14

“Nguko Txizimu txiya, ngu txona Txizimu txathu kala kupinduka. Ngu txona txi no hi thangela kala kufani!”

Mitengo 9:17

Aniko, mbimo yi direfu di gulekako txitimwi ka nyumba, vanana va ka Israyeli va txo khukha, se aha direfu di emako, ni vona vanana va ka Israyeli va txo ema konaho, ve gova, ve gwimba matenda awe.

Mitengo 8:20

Se Mosi ni Aroni, ni wotshe msengeletano wa vanana va ka Israyeli, ni Valevhi, madingano ni ti Mosi a nga leletwa ngu Mkoma.

Mitengo 1:54

Vanana va ka Israyeli va to maha nga ti Mkoma a nga leletisa tona ka Mosi.

Eksodha 40:16

Mosi a to maha totsheto, madingano ni ti Mkoma a nga mleletisa tona.

Eksodha 39:42

Vanana va ka Israyeli va mahile yotshe mithumo, ngu kulondeta totshe ti Mkoma a nga ti leleta ka Mosi

Mitengo 9:21

Kambe ngako direfu di txi ema kukhukhela minova kala mixo, di txa nga khukha direfu ni mixo yile, ni vona va txa so khukha; ngako direfu di txi zumba ditshiku dotshe ni wusiku, va si sikoti kukhukha.