Mitengo 9:17 - Bhiblia Yo Sawuleka

¹⁷ Aniko, mbimo yi direfu di gulekako txitimwi ka nyumba, vanana va ka Israyeli va txo khukha, se aha direfu di emako, ni vona vanana va ka Israyeli va txo ema konaho, ve gova, ve gwimba matenda awe.

Mitengo 9:17 Referans Kwoze

Johani 10:9

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Masalmo 73:24

Ngawe u ni tsimbitisako ngu mlayo wako u na ni amukela kudhumiswani kwako.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Eksodha 17:1

Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela.

Mitengo 9:22

Hambi ngako direfu di txi zumba txitimwi ka nyumba masiku mambidi, mwendo mtxima, mwendo mbimo yo lapha ngutu, ni vona vanana va ka Israyeli va ti ka so zumba ka matenda awe va si khukhi; se ku nga ti direfu di txi khukha ni vona va txo khukha.