Mitengo 9:14 - Bhiblia Yo Sawuleka

¹⁴ Ni ku ngako mluveli wu a nga aka hagari kwanu, a txi lava kudya Pasika, madingano ni sileleto sa yona, mlayo wa kona wu na fana ni wu wanu, ka mluveli ni ka txizikwa txa ditiko.

Mitengo 9:14 Referans Kwoze

Levhi 24:22

Hambi i di txisumbulwa mwendo mluveli, awule a nga ta aka ditikoni kwanu, anu motshe mi vamwevo, masoni ka mlayo: Ani ngani Mkoma, Txizimu txanu.

Dhewuteronome 31:12

Tshanganisa vathu, vavamna ni vavasikati, vanana ni valuveli vale va ku madhoropani kwano kasi kuva txi engisa ni kugonda kuthava Mkoma, Txizimu txanu, ve khutala kuxayisa otshe mapswi a Mlayo wuwa.

Dhewuteronome 29:11

ni vanana vanu, ni vasikati vanu, ni mluveli wu a ku mu wugoveloni kwanu, kukhukhela ka wule a gangako tikhuni tako kala ka wule a rekako mati ako.

Levhi 25:15

Mi fanete kuxava mwendo kuxavisa thembwe, madingano ni mtengo wa malembe a kuelula, ma nga sala.

Levhi 22:25

Kambe mi nga tumeleni kuningela so dyiwa sokari ngu manzani ka valuveli vanu, ka Mkoma, nguko sihono siyo so maha kubiha, se ene kha na ku mi tumelela, hi nga sa sinene.

Levhi 19:10

U nga lavetele asi sisalako amu ka thembwe yako ya mivhinya, msana ka kuva ku di elutwe, hambi kuroletela mauvha ale ma nga tshomoka. U fanete u txi leka misalela ka sisiwana ni ka valuveli! Ani ngani Mkoma, Txizimu txako!

Eksodha 12:43

Mkoma a to khene kambe ka Mosi ni ka Aroni: “Mlayo wa Pasika ngu wuwa: Ni wammweyo mluveli kha na kudya m'buso wa Pasika.

Eksodha 12:47

Wotshe msengeletano wa ka Isareli, wu na maha toneto ngu m'buso wa Pasika.

Mitengo 15:15

Ku nava mlayo wumwewo motshenu ka msengeletano, ni kwa mluveli, wu a nga aka hagari kwanu; atxiya ngu txona txileleto kala ka tiveleko tanu, ni ka mluveli, ni kwanu, masoni ka Mkoma.

Mitengo 15:16

Ku na vaho mlayo wumwewo dwe, ni fanelo yimweyo kwanu ni ka mluveli wu a nga aka hagari kwanu.”

Ezra 6:21

Ngu kumaha keto, vanana va ka Israyeli vale va nga ti wile ngu wukhumbini, va dyite Pasika, ni votshe vale va nga ti ti dhawukanisa ni wubihi wa vathu va mafu, va txi xota Mkoma, Txizimu txa ka Israyeli.