Mitengo 8:7 - Bhiblia Yo Sawuleka

⁷ Ati u no mahisa tona kasi ku va basisa ngu tiya: U na xwayela txitimwi kwawe mati o thavisa sionho, msana keto va na ti yola wotshe mmidi wawe ngu limo, ve kuwula syambalo sawe.

Mitengo 8:7 Referans Kwoze

Mitengo 19:13

Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.

Levhi 8:6

Se Mosi a to kombela ka Aroni ni vanana vakwe taku ve tshuketa hafuhi, aha a nga va ruma va txi samba mmidi ngu mati a mphaxo,

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Vahebheru 9:13

Se ti di ngeto, kota nga ti mnoha wa tiphongo ni wa tihomu, ni dikhuma da marole va nga ti ti xwayelwa ngu wona vaonhi, se ve mana kubasiswa mmidi,

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Mitengo 31:20

Kambe mi na sawulekisa sotshe syambalo, ni sotshe syambalo sa madhowo, ni sotshe so mahwa ngu matoya a tiphongo, ni sotshe siya sa mapulango.

Levhi 16:28

Awule a nga ya si hisa, a na kuwula syambalo sakwe, e samba mmidi ngu mati, se ngu kona a no wulela wugoveloni.

Levhi 15:27

Awule asi gwesako simaha soneso, a na va a sa basa; a na kuwula syambalo sakwe e samba mmidi; hambi keto a na va a sa basa, kala kuswa ka ditambo.

Levhi 15:6

Awule a otelako ahale ene a nga ti otete kona, a na va a txi kuwula syambalo sakwe, e samba mmidi wakwe e maneka a txi yila ka dotshe ditshiku dile.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Mitengo 8:21

Valevhi va to ti basisa, ve kuwula tinguwo tawe; Aroni a to va ningela kasi kumaha mningelo wa kundiwitela, masoni ka Mkoma, se a to va mahela mphaxo wa txionho kasi kubasiswa.