Mitengo 8:26 - Bhiblia Yo Sawuleka

²⁶ Kambe wa sikota kuthuma ni vakwawe ditendani ka msengeletano, kasi kuxayisa siya; aniko kha na mbi maha wumwani mthumo; u na maha toneto ka Valevhi, ngu didhawa da mthumo wawe.

Mitengo 8:26 Referans Kwoze

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

1 Timoti 4:15

Atiya ngu tona u fanelako ku ti veketa hakhana. Atiya ngu tona u fanelako kutsanisela ka tona. U txi hanyisa tiya, kukula kwako ka mithumo ya yinene ku na tikomba ka votshe.

Ezekhiyele 44:11

Hambi keto, va na thuma nyumbani kwangu ko sawuleka, va txi xayisa sike sa nyumba, va na thuma nyumbani; va na daya mningelo wa kuhiswa, ni mphaxo wa vathu, kambe va na va masoni ka vathu, kasi ku va thumela.

Ezekhiyele 44:8

Aniko kha ma vekisa silayelo sa simaha sangu so sawuleka; kambe anu mipune mi ti mahile vaxayise va silayelo sangu, nyumbani kwangu ko sawuleka.

1 Makronika 23:32

ni kuxayisa kha kwati ditenda da msengeletano, ni wukhalo wo sawuleka, ni kuvhuna vanana va ka Aroni, vanawe, ka mthumo wa Nyumbani ka Mkoma.

Mitengo 31:30

Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.

Mitengo 18:4

Aniko va na va hafuhi ni nawe, ve kuvhunetela mithumo ya mu ditendani ka msengeletano, ni yotshe mithumo ya ditenda; kambe awu i ku mluveli a nga tshukete hafuhi kwanu.

Mitengo 3:32

Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.

Mitengo 8:25

se kukhukhela ka mtxhanu wa magumi a malembe a tanga, a na huma mthumoni wa wuphaxeli, kha na mbiswa e wu thuma kambe.