Mitengo 8:24 - Bhiblia Yo Sawuleka

²⁴ Sekoko, milayo ya Valevhi ngu yiya: Ava va magumi mambidi ni mtxhanu wa malembe ni kuya masoni, va na wulela mthumoni ka ditenda da msengeletano;

Mitengo 8:24 Referans Kwoze

1 Makronika 23:3

Se ku to balwa Valevhi va magumi mararu a malembe ni kuya masoni; mtengo wawe madingano ni vathangeli va kona, i ti 38.000 wa vavamna.

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

1 Vakorinto 9:7

I mani a tsulako yimbini ngu mtamo wakwe dwe, kani? I mani a phayako mivhinya, asi dyiko mihando ya yona kani? Mwendo i mani a dyisako mtxhambi asi seliko masi a kona kani?

Mitengo 4:23

U na bala votshe vathu kukhukhela tanga ya magumi mararu kala mtxhanu wa magumi a malembe, ka vale va ku ni fanelo kuwulela va txi thuma mthumo wa ditenda da msengeletano.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 4:30

u na balela vale va tanga ya magumi mararu kala mtxhanu wa magumi a malembe, ava va fanelako kuwulela ka mthumo wuwa kasi kuthuma amu ka ditenda da msengeletano.

Mitengo 4:43

vavamna votshe va magumi mararu kala ka mtxhanu wa magumi a malembe, avale va nga lulama kuwulela ka mthumo wo xayisa ditenda da msengeletano.

Mitengo 8:23

Se Mkoma a to womba ka Mosi a txi khene:

Mitengo 8:25

se kukhukhela ka mtxhanu wa magumi a malembe a tanga, a na huma mthumoni wa wuphaxeli, kha na mbiswa e wu thuma kambe.

2 Makronika 31:17

Ni va va nga maha bhalela ya kubalwa ngu tihunzu ta vaphaxeli, madingano ni tinyumba ta vatate vawe, ni Valevhi, va tanga ya magumi mambidi a malembe kuya masoni, madingano ni mitxawa yawe.