Mitengo 8:22 - Bhiblia Yo Sawuleka

²² Msana keto, Valevhi va to ta ve ta maha mthumo wawe, amu ka ditenda da msengeletano, masoni ka Aroni ni masoni ka vanana vakwe, madingano ni ti Mkoma a nga leleta ka Mosi, ngu didhawa da Valevhi, ngu toneto va nga mahelwa tona.

Mitengo 8:22 Referans Kwoze

2 Makronika 31:2

Mfumeli Ezekhiya a to veka mitxawa ya vaphaxeli ni ya va ka Levhi madingano ni mithumo yawe, mmweyo ni mmwani ka mthumo wakwe; ahawa vaphaxeli ni Valevhi va nga ti fanela kuningela mningelo wa kuhiswa ni miningelo ya kudikha, va txi bonga ni kudhumisa Mkoma ngu tindando ha sikenini sa wugoveloni kwakwe.

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

Mitengo 8:15

Valevhi va na wulela mthumoni ko xayisa ditenda da msengeletano, ku nga ti u txi va basisa, ni ku va ningela ka mningelo wa kundiwitela.

Mitengo 8:21

Valevhi va to ti basisa, ve kuwula tinguwo tawe; Aroni a to va ningela kasi kumaha mningelo wa kundiwitela, masoni ka Mkoma, se a to va mahela mphaxo wa txionho kasi kubasiswa.

Mitengo 8:23

Se Mkoma a to womba ka Mosi a txi khene:

Eksodha 12:50

Se votshe vanana va ka Israyeli va to maha, nga ti Mkoma a nga ti leletisile tona ka Mosi ni Aroni.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.