Mitengo 8:21 - Bhiblia Yo Sawuleka

²¹ Valevhi va to ti basisa, ve kuwula tinguwo tawe; Aroni a to va ningela kasi kumaha mningelo wa kundiwitela, masoni ka Mkoma, se a to va mahela mphaxo wa txionho kasi kubasiswa.

Mitengo 8:21 Referans Kwoze

Mitengo 8:7

Ati u no mahisa tona kasi ku va basisa ngu tiya: U na xwayela txitimwi kwawe mati o thavisa sionho, msana keto va na ti yola wotshe mmidi wawe ngu limo, ve kuwula syambalo sawe.

Mitengo 19:19

Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.

Mitengo 8:15

Valevhi va na wulela mthumoni ko xayisa ditenda da msengeletano, ku nga ti u txi va basisa, ni ku va ningela ka mningelo wa kundiwitela.

Mitengo 19:12

Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi.

Mitengo 3:12

“Ngani nipune ni nga sawula Valevhi hagari ka vanana va ka Israyeli, wukhaloni ka otshe matiwula, a hagari ka vanana va ka Israyeli, avale va ngava situla-masembe ka vamame vawe, ngu mhaka yeto Valevhi mbangu.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Mitengo 8:20

Se Mosi ni Aroni, ni wotshe msengeletano wa vanana va ka Israyeli, ni Valevhi, madingano ni ti Mosi a nga leletwa ngu Mkoma.

Mitengo 8:22

Msana keto, Valevhi va to ta ve ta maha mthumo wawe, amu ka ditenda da msengeletano, masoni ka Aroni ni masoni ka vanana vakwe, madingano ni ti Mkoma a nga leleta ka Mosi, ngu didhawa da Valevhi, ngu toneto va nga mahelwa tona.

Levhi 14:11

Se Mphaxeli wule a thangelako mhamba yiya yo basisa, a na teka m'thu wule a basiswako, ni sotshe silo sa kona, eya si kombisa masoni ka Mkoma, ha txikeni ka ditenda da msengeletano.