Mitengo 8:18 - Bhiblia Yo Sawuleka

¹⁸ Ni sawute Valevhi ka wukhalo wa matiwula otshe a vanana va ka Israyeli.

Mitengo 8:18 Referans Kwoze

Mitengo 8:17

Nguko otshe matiwula; a vanana va ka Israyeli njangu, kumweko ni matiwula ya m'thu, ni a sifuyo; kukhukhela ka ditshiku dile ni nga daya matiwula a Vaegipta, se vona va basisetwe ani.

Mitengo 8:19

Kha ditshuri ni ningete Valevhi ka Aroni ni ka vanana vakwe, ti to ve maha mthumo wa vanana va ka Israyeli, amu ka ditenda da msengeletano, ni ti to ve maha mphaxo wa midiho ya vanana va ka Israyeli, kasi ku si dhuki kuhuma phango hagari ka vanana va ka Israyeli, mbimo yi va tshuketako hafuhi ka wukhalo wo sawuleka.

Genesisi 48:14

Aniko Israyeli a to hambanisa manza akwe, e nawuluta dianza dakwe da txinene e di sanzeka txitimwi ka msungo wa Efrayime, awu i ku mnanda, se e sanzeka dianza dakwe da txibhabha txitimwi ka msungo wa Manasi, awu i ku mwanana wa matiwula.

Mitengo 3:9

Ti di ngeto, u nga ningela Valevhi ka Aroni ni ka vanana vakwe, ti to veva txiningo txawe; mthumo wa kona wu na thumela vanana va ka Israyeli.

Mitengo 3:12

“Ngani nipune ni nga sawula Valevhi hagari ka vanana va ka Israyeli, wukhaloni ka otshe matiwula, a hagari ka vanana va ka Israyeli, avale va ngava situla-masembe ka vamame vawe, ngu mhaka yeto Valevhi mbangu.