Mitengo 8:12 - Bhiblia Yo Sawuleka

¹² Valevhi ngu msana, va na sanzeka manza ha misungo ka marole; se u na teka didhuna dimwedo u txi maha mphaxo ngu dona, mphaxo wa txionho; se dimwani didhuna u na maha mphaxo wa kuhiswa ka Mkoma, kasi ti to Valevhi ve mahelwa mphaxo wa txionho.

Mitengo 8:12 Referans Kwoze

Eksodha 29:10

U na maha ati to dirole di txi ta masoni ka ditenda da msengeletano, Aroni ni vanana vakwe ve veka manza awe txitimwi ka msungo wa dirole.

Vahebheru 9:22

Madingano ni kuruma ka mlayo, sotshe simaha si fanete kubasiswa ngu mnoha; se hahanze ka mnoha, kuwalo divalelo ya sionho.

Levhi 8:14

Sekoko Mosi a to ruma kuve tisa txirolyana txa mhamba ya txionho; Aroni ni vanana vakwe va to sanzeka manza awe ha msungo ka txirolyana txa mhamba ya kuthavisa txionho.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Mitengo 8:8

Sekoko ngu msana keto va na teka dirole da matune, kumweko ni mphaxo wa sakudya, i ku mpupu wo basa, awu wu nga kanyangelwa ngu mtona, ni dirole dimwani da mphaxo wa txionho.

Mitengo 6:16

Se mphaxeli a na si tisa masoni ka Mkoma, e ningela mphaxo wakwe wa txionho, ni mningelo wa kuhiswa.

Mitengo 6:14

se ene a na ningela hamba ka Txizimu, ya dilembe dimwedo ayi yi singako ni txibawa; yi na va mningelo wo hiswa, ni txinvutana txa dilembe dimwedo, txa mkati, na txi si nga ni txibawa, yi na va mphaxo wa kuonha, ni hamba yo mbi na txibawa, ayi yi nova mphaxo wa kubonga.

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.

Levhi 16:11

Se Aroni a na ningela dirole da mhamba yo divalela txionho, yo lumba ene apune, ni txa ngamu yakwe; e di daya dirole da mningelo wo hiswa.

Levhi 16:6

Msana keto, Aroni a na ningela dirole da matune, da mningelo wu wo divalela sionho sakwe; kambe a na maha ngu mhaka ya sionho sakwe, ni sa ngamu yakwe.

Levhi 14:22

ni matuva mambidi mwendo mavhondo mambidi a situvani, nga ti a sikotisako tona, dimwedo nda mhamba ya txionho, dimwani nda mningelo wo hiswa.

Levhi 9:7

Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Levhi 8:34

Mkoma ngene a nga ruma kumaha ati hi nga ti maha konkuwa, kasi ku hi txi mana kudivalelwa sionho.

Levhi 8:18

Msana keto, Mosi a to ruma ti to hamba yi tiswa, kasi ku ta maha mningelo wa mhamba yo hiswa; se Aroni ni vanana vakwe, va to sanzeka manza awe ha msungo ka hamba;

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Levhi 4:4

A na ningela dirole ka Mkoma e di tisa ha txikeni ka msengeletano, a na sanzeka dianza ha msungo ka dirole, a di wila mkolo, masoni ka Mkoma.

Levhi 4:15

Se madhota a msengeletano ma na sanzeka manza a ona ha msungo ka txidhunana, masoni ka Mkoma, konaho didhuna di na wilwa mkolo.

Mitengo 8:13

Ngu msana ka kuva u di kombisile Valevhi masoni ka Aroni, ni masoni ka vanana vakwe, u na va ningeta ti to ve maha mningelo wo ndiwitela wa Mkoma.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.