Mitengo 7:86 - Bhiblia Yo Sawuleka

⁸⁶ digumi da majingo ni mambidi a nzalama, o tala ngu dibaselo, dimwani ni dimwani di ti ti ni kunemela ka digumi da maxekele, madingano ni dixele da wukhalo wo sawuleka, yotshe nzala ya majingo, yi ti ti ni kunemela ka 120 wa maxekele;

Mitengo 7:86 Referans Kwoze

Eksodha 25:29

Kambe u na maha timbiya ta kona, ni mikho ya kona, ni magombe a kona, ni siyana sa kona so fenengeta ngu sona; u na si maha ngu nzalama ya yinene.

Eksodha 30:13

Votshe avale va no maneka va di batwe va na ningela hafu ya dixekele da mpimo wa dixekele do basa aha ka magandelo; (i ku magumi mambidi a magera ngu dixekele); hafuyo ya dixekele i mningelo wakwe ka Mkoma.

Mitengo 7:85

mbiya yimwani ni yimwani, yi di tate ni kunemela ka 130 wa maxekele, kasi mkamba wumwewo ni wumwani, wu ti ti ni mtxhanu wa magumi ni mambidi a maxekele; sotshe siya sa silivhela si ti ti ni kunemela ka 2.400 wa maxekele, madingano ni dixekele da wukhalo wo sawuleka;

Mitengo 7:87

totshe tihomu ta mningelo wa kuhiswa, i ti ti digumi da marole ni mambidi; ni digumi da tihamba ni timbidi; ni digumi da sinvutana ni simbidi sa dilembe dimwedo, ni miningelo wa sakudya, ni digumi da vamabhongwe ni vambidi, kasi kumaha mphaxo wa txionho;

1 Vafumeli 7:50

kumweko ni digombe; ni sipfhito; ni mikamba; ni so bhumulisa, ni ko dhivela makala, sa nzalama yo hehuka ngutu; ni sitsaniso sa matimba a mndani ka wukhalo wo sawuleka ngutu; ni sa matimba a nyumba ya dithepele, sa nzalama ni sona.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.