Mitengo 7:43 - Bhiblia Yo Sawuleka

⁴³ Mningelo wakwe mbwa mbiya ya silivhela, wu ku ni kunemela ka 130 wa maxekele, ni mkamba wa silivhela, awu kunemela ka wona i ku ka mtxhanu wa magumi ni magumi mambidi a maxekele, madingano ni dixekele da wukhalo wo sawuleka, sotshe sa simbidi so tala ngu mpupu wo tshura, wu nga kanyangwa kumweko ngu mtona, kasi kumaha mningelo wa sakudya.

Mitengo 7:43 Referans Kwoze

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 2:5

Se ngako u txi lava kumaha mningelo ngu sakudya, so katingwa mu ka dipani, maha mhamba ngu mpupu wa wunene ngutu, awu wu nga vhuvwa ni mtona, wu si nga ni mtshumbelo.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Matewu 14:8

Se ene, ngu kukujetelwa ngu mame wakwe, a to khene: “Ni ninge kona hawa, amu ka mbiya, msungo wa Johani Mubhabhatisi.”

Mitengo 7:44

Dijingo da nzalama, ayi kunemela ka yona i ku ka digumi da maxekele yo tala ngu dibaselo.