Mitengo 7:13 - Bhiblia Yo Sawuleka

¹³ Se mningelo wakwe i ti ti wa mbiya ya silivhela, ya kunemela ka 130 wa maxekele, ni mbiya ya silivhela, ni mtxhanu wa magumi ni magumi mambidi a maxekele, madingano ni maxekele a wukhalo wo sawuleka; ka totshe timbiya tatimbidi, ti di tate ngu mpupu wo kanyangelwa ni mtona, kasi kumana mningelo wa sakudya;

Mitengo 7:13 Referans Kwoze

Eksodha 30:13

Votshe avale va no maneka va di batwe va na ningela hafu ya dixekele da mpimo wa dixekele do basa aha ka magandelo; (i ku magumi mambidi a magera ngu dixekele); hafuyo ya dixekele i mningelo wakwe ka Mkoma.

Levhi 2:1

Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona.

Eksodha 37:16

A to maha kambe simaha si si nga ti fanete kuvekwa ha mezani, simbiyana, siponi, sikadyana ni sidhingiselo so fenengeta ngu sona, sotsheso si ti mahilwe ngu nzalama yo basa.

Eksodha 25:29

Kambe u na maha timbiya ta kona, ni mikho ya kona, ni magombe a kona, ni siyana sa kona so fenengeta ngu sona; u na si maha ngu nzalama ya yinene.

Matewu 14:11

Vona va to neha msungo wakwe mu ka mbiya, ve wu ningela ka wule wa txihoranana, se ene e wu heleketa ka mame wakwe.

Matewu 14:8

Se ene, ngu kukujetelwa ngu mame wakwe, a to khene: “Ni ninge kona hawa, amu ka mbiya, msungo wa Johani Mubhabhatisi.”

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Dhaniyeli 5:2

Ngako Bhelxazari a di khatile kusela vhinya, a to rumela taku kutiswa siya sa nzalama ni silivhela, sile tate wakwe Nebhukodhonosori, a nga ti si thavisile dithepeleni ka Jerusalema, kasi ku mfumeli ni vahombe vakwe, ni vasikati vawe, ni sigango sawe, ve sela ngu sona vhinya.

Jeremiya 52:19

Se mthangeli wa vawoneleli a to teka magombe ni so hisela ka sona dibaselo, ni mikamba, ni siya so sengeleta ka sona dikhuma, ni titshava ta malambu, ni so nungelisa, ni tifuko, asile sa nzalama yo surutetwa ni sa silivhela yo hehuka.

Ezra 8:25

Se ni to va pimela silivhela ni nzalama, i nga ti siningo so lumba Nyumbani ka Txizimu txathu, asile si nga ningilwa ngu mfumeli ni madhota, ni vathangeli vakwe, ni votshe va ka Israyeli, va nga ti maneka koneho.

1 Vafumeli 7:45

se ko sengeleta mati ni mafoxola, ni mikamba, ni sotshe siya sile Hiramu a nga mahela mfumeli Solomoni, Nyumbani ka Mkoma, sotshe i di sa koporo yo tshuriselwa.

1 Vafumeli 7:43

kumweko ni digumi da sikazelo ni digumi da sigowolo txitimwi ka sikazelo,

Mitengo 3:47

U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele .

Levhi 27:25

Kotshe kudinganisa ku na mahwa ngu maxekele a nyumba ya kusawuleka; dixekele dimwedo di ni magumi mambidi a magera.

Levhi 27:3

Se ngako i di txithembiso txo mahwa ngu m'thu wule a ku ni tanga ya magumi mambidi a malembe, kala tanga ya mtxhanu wa magumi ni dimwedo, a na humisa mtengo wa mtxhanu wa magumi a maxekele a silivhela, madingano ni mpimo wa dixekele da wukhalo wo sawuleka.

Mitengo 7:12

Awu koko a nga ningela mningelo wakwe ngu ditshiku do khata i Nasoni, mwana Aminadhabhe, wa lihunzu la ka Judha.

Mitengo 7:14

digombe dimwedo da nzalama, adi kunemela ka dona i ku ka digumi da maxekele, do tala ngu dibaselo;

Mitengo 7:73

Mningelo wakwe mbwa: Dijingo da silivhela, adi kunemela ka dona i ku ka 130 wa maxekele, ni mkamba wa silivhela, awu kunemela ka wona i ku ka mtxhanu wa magumi ni magumi mambidi a maxekele, madingano ni dixekele da wukhalo wo sawuleka, ngu wumbidi wa sona si di tate ngu mpupu wo tshura, awu wu nga kanyangelwa ni mtona, kasi kumaha mningelo wa sakudya;

Mitengo 15:4

sekoko awu a humisako mningelo wakwe ka Mkoma, ngu mningelo wa sakudya, a na ningela sawugumi, ngu mpupu wo basa, wo kanyangelwa, i ku mpimo wa wumune wa txibhembzana, mpimo wa mifarasa yimbiya ya mtona.

Mitengo 28:5

se mpimo wa wugumi wa efa ya mpupu wo tshura, wu na va mningelo wa sakudya, wo kanyangelwa ngu mpimo wa wumune wa hini ya mtona.

Mitengo 29:6

Hahanze ka mphaxo wa kuhiswa wa mtxima, ni mningelo wa kona wa sakudya, ni mphaxo wa kuhiswa wa yotshe mbimo, ni mningelo wa kona wa sakudya, ni sa kusela sa kona, madingano ni sileleto sa kona, mphaxo wo bhumula, mningelo wo hiswa, ka Mkoma.