Mitengo 6:9 - Bhiblia Yo Sawuleka

⁹ Se ku nga ti m'thu wokari a txifa hafuhi kwakwe ngu txidhukisa, ku txi bihiswa misisi yakwe yo sawuleka, se ngu ka ditshiku da kubasiswa kwakwe, a na yolwa msisi ka ditshiku da wutxhanu ni mambidi a na yolwa msungo.

Mitengo 6:9 Referans Kwoze

Mitengo 6:18

Ngu msana Mnazira a na kuyula misisi yakwe, ayi yi ku ni txixambanyo txa wunazira ha txikeni ka ditenda da msengeletano, kambe a na teka misisi ya msungo wakwe ya txixambanyo, e yi veka ha mndiloni, ka mphaxo wa kuthutha.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Levhi 14:9

Ku di pindile mtxhanu wa masiku ni mambidi, a na kuyulwa kambe misisi ni txiletu; a na kuwula syambalo sakwe e samba mmidi ngu mati, se e va a di basile.

Mithumo 21:27

Ngako ma di hafuhi ni kuguma masiku ale a mtxhanu ni mambidi, Vajudha va Aziya, ngako va di mu engisile Dithepeleni, va to kujetela dibutho, va txi mñola,

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Mitengo 6:8

Ka masiku akwe ni wunazira wakwe a ti ningete ka Txizimu.

Dhewuteronome 21:12

sekoko, mteke u txi wuya nayo m'tini kwako, a na kuyulwa misisi ya ha msungo kwakwe, a txi sehelela syala sakwe,

Ezekhiyele 44:27

Ka ditshiku dile mphaxeliyo a wulelako ka wukhalo wo sawuleka, ka mtendela wa mndani, kasi kuthuma ka wukhalo wo sawuleka, a na ningela mningelo wa kudivalelwa kwakwe sionho, kuwomba Mkoma Txizimu.