Mitengo 6:26 - Bhiblia Yo Sawuleka

²⁶ Mkoma a na gulete khohe yakwe, e kuninga kuthutha,

Mitengo 6:26 Referans Kwoze

Masalmo 4:6

Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!

2 Vatesalonika 3:16

Mkoma wa kudikha a na mi ninge kudikha yotshe mbimo ni otshe makhalo. Mkoma a nave ni nanu motshe.

Masalmo 29:11

Mkoma wa ninga mtamo ngamu yakwe; Mkoma a katekisa ngamu yakwe ngu kudikha.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Mithumo 2:28

Awe u ni ningile kuziva tinzila ta wutomi, u na ni khurisa ngu litsako masoni kwako.’ ”

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Varoma 15:33

Txizimu txa kudikha txi nave ni nanu motshe. Amen!

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Vafilipiya 4:7

Sekoko kuthutha ka Txizimu, kupindako wotshe wuzivi, ku na veketa timbilu tanu ni mialakanyo yanu ngu Kristu Jesu.

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Isaya 57:19

Ani na veka mihando ya sisofu: Kudikha, kudikha, ka vale va ku kule, ni ka vale va ku hafuhi, kuwomba Mkoma, kambe ani ni na va kalamukisa.

Isaya 26:12

Mkoma, awe u na hi ninga kudikha, nguko awe ngawe, u nga maha kwathu yotshe mithumo yathu.

Masalmo 89:15

Va katekile vathu vale va zivako ku kudhumisa, Mkoma, avale va hanyako kuwonekelani ka khohe yako.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Johani 20:26

Ku di pindile mtxhanu wa masiku ni mararu, va to tshangana kambe vagondiswa nyumbani, se Tomasi a ti ti ho nene. Ku di sekilwe matimba, a to ta Jesu, a ta ema hagari kwawe, na a txi va losa kambe ngu mapswi awa: “Kudikha ku nave ni nanu!”

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Vaefesu 6:23

Kudikha ni lirando li li ku ni likholo, si tako ngu ka Txizimu Tate ni ka Mkoma Wathu Jesu Kristu si nave ni vanathu.

Varoma 5:1

Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu;