Mitengo 6:2 - Bhiblia Yo Sawuleka

² “Gela vanana va ka Israyeli u txi khawe: Ngako wamwamna mwendo wamsikati wokari, a txi maha txixambanyo txa hombe txo lava kuva Mnazira, a txi ti sawulekisa ngu txona ka Mkoma.”

Mitengo 6:2 Referans Kwoze

Valamuli 13:5

Nguko u na mana txirumbu u txi veleka mwanana wa mfana, eyo ha msungo kwakwe ku nga thuke ku txi pinda limo, nguko mfaneyo a na va i di munazira wa Txizimu, kukhukhela mndani ka mame wakwe, se ene a na khata kutxhatxhisa va ka Israyeli, manzani ka Vafilista.

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Vagalatiya 1:15

Aniko mbimo yi Txizimu txi nga ni sawula, ni di ngadi mndani ka mama, txi ni dhana ngu kateko ya txona,

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

1 Samuwele 1:28

Ngu kumaha keto, ani kambe ni mningete ka Mkoma, ka otshe masiku a kuhanya kwakwe; nguko a kombetwe ka Mkoma. Se ene a to khozela Mkoma koneho.

Valamuli 16:17

Se a to mtulela txotshe txihunja txa mbilu yakwe, a txi m'gela tiya: “Limo kha li zivi ku nga gwesa msungo wangu, nguko ni Mnazira wa Txizimu, kukhukhela mndani ka mame wangu; ngako yi txo kuyulwa misisi, eho mtamo wangu wu ndi na khukha kwangu, ni fana ni vamwani vathu.”

Levhi 27:2

Gela vanana va ka Israyeli u txi khawe: Ngako m'thu wokari a txi thembisa ngu txixambayo tito, a na maha mningelo ka Txizimu, ngu male yi yi dinganako mtengo wa m'thu:

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mitengo 6:1

Se Mkoma a to womba ka Mosi, a txi khene:

Valamuli 13:4

Konkuwa koko, ti wonele, u nga sele vhinya hambi sopa, hambi kudya ni txihi txo yila.

Jeremiya 35:6

Aniko va to xamula va txi kha vona: Kha hi na mbi sela vhinya, nguko Jonadhabhe, mwana Rekabhi, tate wathu, a hi layile a txi khene: Mi nga dhuki mi sela vhinya, anu ni vanana vanu.

Mitengo 30:3

Kambe ngako wamsikati wu a sanziko kutekwa, a txi thembisa ka Mkoma kumaha to kari mwendo kuxambanya ku a na ti leka,

Valamuli 13:14

Sotshe sile si humako ngu ka m'vhinya, a nga dye, hambi vhinya, mwendo sopa, a nga sele, ni txihi txo yila, a nga dye; totshe ti ni nga mleleta a na ti xayisa.