Mitengo 6:19 - Bhiblia Yo Sawuleka

¹⁹ Mphaxeli a na teka diwoko da hamba do bhikwa, ni dipawu do mbi tshumbelwa, sotshe a na si veka amu ka txirundu ni dipawu dimwedo da kwa mbi tshumbelwa, manzani ka Mnazira, ngako a di darutwe misisi ya wunazira wakwe.

Mitengo 6:19 Referans Kwoze

1 Samuwele 2:15

Kambe na mafura ma sanzi kuhiswa, mfana wa mphaxeli a ti ti ta khene ka m'thu wule a ningelako mphaxo: Naheta nyameyo ni ya yokela mphaxeli, nguko kha na mbi amukela ngu kwako nyama yo bhikwa, hahanze ka yayimbiso.

Levhi 7:30

Ngu manza akwe apune a fanete kumaha mningelo wa si si lumbako Mkoma, i ku mafura ni khana; khana yi fanete kuningelwa ngu ku yi ndiwitela masoni ka Mkoma.

Levhi 8:31

Se Mosi a to khene ka Aroni ni ka vanana vakwe: Bhikani nyama mi di ha txikeni ka ditenda da msengeletano, mi txi yi dyela kona, kumweko ni mapawu ale ma ku txirunduni ka miningelo ya mhamba, nguko Txizimu txi ni leletete, ti to Aroni ni vanana vakwe, ngu vona va ku ni fanelo yo si dya.

Levhi 8:27

Se a to veka sotshe manzani ka Aroni ni ka vanana vakwe, kasiku ve maha txikombis txa mhamba, ve ndiwitela masoni ka Mkoma.

Levhi 7:28

Mkoma a wombile ka Mosi a txi khene:

Mitengo 6:2

“Gela vanana va ka Israyeli u txi khawe: Ngako wamwamna mwendo wamsikati wokari, a txi maha txixambanyo txa hombe txo lava kuva Mnazira, a txi ti sawulekisa ngu txona ka Mkoma.”