Mitengo 6:18 - Bhiblia Yo Sawuleka

¹⁸ Ngu msana Mnazira a na kuyula misisi yakwe, ayi yi ku ni txixambanyo txa wunazira ha txikeni ka ditenda da msengeletano, kambe a na teka misisi ya msungo wakwe ya txixambanyo, e yi veka ha mndiloni, ka mphaxo wa kuthutha.

Mitengo 6:18 Referans Kwoze

Mithumo 21:24

Tsula navo, ti basise kumweko navo, u txi va hakelela asi si lavekako, kasiku ve yolwa misisi. Ngu toneto, votshe va na tiziva ti to mahungu awa va ma wombako ngu ngawe nga makuhu, ni ti to awe nawe kasi u mxayisi wa Mlayo.”

Mitengo 6:9

Se ku nga ti m'thu wokari a txifa hafuhi kwakwe ngu txidhukisa, ku txi bihiswa misisi yakwe yo sawuleka, se ngu ka ditshiku da kubasiswa kwakwe, a na yolwa msisi ka ditshiku da wutxhanu ni mambidi a na yolwa msungo.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Mithumo 21:26

Sekoko ti di mahile eto, na di ti txite, Paulo a to teka vavamna vale e tsula navo, se msana ka kuva a di ti basisile navo, a to wulela Dithepeleni, aha a nga ya zivisa mbimo yi mmweyo ni mmweyo wawe a no ningela mhamba yakwe ngu yona, msana ka masiku a kubasiswa.

Luka 17:10

Ngu toneto, nanu, msana ka kuva mi di hetile kumaha totshe tifanelo tanu, wombani ku khanu: ‘Hi sithumi so mbi vhuna txilo, hi mahile tiya hi nga ti ni fanelo ya ku ti maha dwe.’ ”

Mitengo 6:5

Ka yotshe mbimo ya wunazira kha kulaveki kuyolwa msungo, kala ku txi tatiseka mbimo yi a nga xambaya ngu yona, e thumela Mkoma; se a na leka misisi yi kula.

Mithumo 21:23

Ngu toneto, maha ti hi no kugela. Ahawa hi na ni mune wa vavamna va nga maha txixambanyo.

Mitengo 6:17

Kambe a na ningela hamba ya mphaxo wa kuthutha, masoni ka Mkoma, ni txirundu txa mapawu o mbi tshumbelwa, mphaxeli a na ningela mningelo wakwe wa sakudya, ni sa kusela.