Mitengo 6:15 - Bhiblia Yo Sawuleka

¹⁵ A na neha txirundu txa kutala ngu mapawu o mbi tshumbelwa, ni mpupu wo tshura wo kanyangwa ngu mtona, ni mapawu, sa kwa mbi tshumbelwa, so totwa ngu mtona, ngu txitimwi ka eso, a na tisa mningelo wa sakudya, ni sa kusela.

Mitengo 6:15 Referans Kwoze

Levhi 2:4

Se ngako wu txi mahwa mningelo wa sakudya so bhikwa, ku na mahwa sibhubhutela ngu mpupu wa wunene, wo mbi tshumbelwa, wo vhuvwa ni mtona, ni sibhubhutela so mbi tshumbelwa, si di thetwe mtona.

Eksodha 29:2

ni mapawu o mbi tshumbelwa, ni sibhubhutela so mbi tshumbelwa, so kanyangelwa ni mtona; se u na si maha ngu mpupu wa fulaho ya yinene.

Mitengo 15:10

u na ningela ni diphikama ya hini ya vhinya, kasi kumaha mphaxo wo hiswa wu ku ni kubhumula ko tshamba, ka Mkoma.

1 Vakorinto 11:26

Ngu kota yeto, txikhati txihi ni txihi mi dyako dipawu diya ni kusela digombe diya mi huwelela lifo la Mkoma kala kuwuyani kwakwe.

1 Vakorinto 10:31

Ngu toneto, mwendo ma dya, mwendo ma sela, mwendo mi thuma tihi ni tihi, ti maheni ngu moya wa kudhumisa Txizimu.

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:9

Ku wilisilwe mningelo wa sakudya, ni sa kusela Nyumbani ka Mkoma; vaphaxeli, i ku sithumi sa Mkoma, va pandisekile.

Isaya 62:9

Aniko avale va no sengeletela, va nadya kambe va na dhumisa Mkoma; ni vale va no elula va na sela mithandani ka wukhalo wangu wo sawulekani.

Levhi 9:4

kumweko ni homu ya matune ni hamba, sihari siya mi na si ningela ka Mkoma, ngu mhamba ya mpatano, ni wumwani mningelo wa mpupu, wo vhuwa ni mtona, nguko nyamsi, Mkoma a lava ku ti wonekelisa kwanu.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Levhi 7:12

Ngako i di mhamba ya kubonga, ni miphaxo ya kubonga kufanete kuningelwa sibhubhutela so mbi tshumbelwa, so vhuwa ni mtona ni sibhubhutela so mbi tshumbelwa ni sona, aniko so thelwa mtona, hambi ni sibhubhutela so mahwa ngu mpupu wo vhuwa ni mtona.

Mitengo 6:16

Se mphaxeli a na si tisa masoni ka Mkoma, e ningela mphaxo wakwe wa txionho, ni mningelo wa kuhiswa.