Mitengo 6:12 - Bhiblia Yo Sawuleka

¹² Sekoko a na va a txi xambanya kambe ka Mkoma, ka yotshe mbimo yakwe ya wunazira, a na teka hambana ya nvuta ya tanga ya dilembe, e maha mphaxo wa m'diho, mbimo yi yi nga pinda kha yi na mbi balwa, ngako wunazira wakwe wa kale wu di nzambwisilwe.

Mitengo 6:12 Referans Kwoze

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

2 Johani 1:8

Ti woneleni kasi ku mi si mwalati mihando ya kutikarata kwanu; aniko mi fanete kumana hakhelo yi yi dinganako.

Jakobe 2:10

Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

Matewu 24:13

Aniko awule a no zumba a di tsani kala magwito, a na hanyiswa.

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Ezekhiyele 18:24

Aniko ngako m'thu wo lulama a txi leka kululama kwakwe, se a txi maha ta kwa mbi lulama, a txi maha totshe ta manyala tile ti mahwako ngu m'bihi, ina a nga hanya kani? Kotshe kululama kule a nga kumaha, kha ku na mbi alakanywa; wuhambunyeti wu a nga hambunyeta ngu wona, ni txionho txile a nga txi maha, a na fela ka sona.

Levhi 14:24

Mphaxeli a na teka txinvhutana txa mhamba ya minandu, ni hafu ya mfarasa ya mtona, se e si ningela, na a txi si ndiwitela masoni ka Mkoma.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Mitengo 6:11

Se mphaxeli a na ningela dituva dimwedo ngu mphaxo wa txionho; dimwani di na maha do hiswa, ngu kule a nga bihiswa ngu kugwesa m'thu wa kufa; m'thu wule a na va a txi basisa msungo ka donedo ditshiku.

Mitengo 6:13

Awuwa mlayo mbwa wunazira wakwe; a na tiswa ha txikeni ka ditenda da msengeletano;