Mitengo 5:3 - Bhiblia Yo Sawuleka

³ Humisani vavamna ni vavasikati mi txi va veka hahanze ka wugovelo. A ti to vanana va ka Israyeli va si nzambwiswi ka wugovelo wawe, vale ni zumbako hagari kwawe.”

Mitengo 5:3 Referans Kwoze

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Titosi 3:10

M'thu wu a vangako mibhando hagari ka makholwa, mkawuke kamweko mwendo kumbidi; a txi lamba msana keto, u nga mkhatalele;

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

1 Vafumeli 7:3

Ngu txitimwi yi ti tshuletwe ngu mikedhari minanekoni ka kona, yi nga ti txitimwi ka mune wa magumi ni mtxhanu wa tisika, wukhalo ni wukhalo ku ti ti ni digumi ni mtxhanu wa tisika.

Mitengo 35:34

Mi nga nyenyeziseni koko, ditiko di mi zumbako ka dona, adi ni no zumba ka dona; nguko ani Mkoma, ni zumba hagari ka vanana va ka Israyeli.

Mitengo 19:22

Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Mitengo 5:4

Sekoko, vanana va ka Israyeli va to maha toneto: Va to va humisa hahanze ka wugovelo. Vanana va ka Israyeli va mahile nga ti Mkoma a nga ti leletisile tona ka Mosi.

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Levhi 15:31

Ka toneto, anu mi na hambanisa vanana va ka Israyeli ka wubihi wawe, kasi vona va si wuleli phangoni ka kudawa, nguko va ti ya nyenyezisa ngu wubihi wawe nyumba yangu yo sawuleka, ayi yi ku hagari kwawe.

Dhewuteronome 23:15

U nga ningele khumbi ka nyamne wa yona, ayile yi nga thava ka nyamne wa yona yi txi tutumela kwako.