22 a ti to mati awa o bava ma txi wulela mndani kwako, kasi ku mrumbu wako wu txi simba ni kuoma tinyonga tako! Se wamsikati a na xamula a txi khene: Amen! Amen!
Jesu koko a to khene kwawe: “Ngu ditshuri, ngu ditshuri, na mi gela, ni khani: Ngako mi si dyi mmidi wa Mwanana wa M'thu, ni kungako mi si seli mnoha wakwe, anu kha mi na mbi va ni wutomi mndani kwanu.
Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”
Se a to khene kwangu: Awe mwanana wa m'thu, dyisa mrumbu wako, u tata disusu ngu dibhuku diya do petelwa ni ku ningako. Sekoko ni to didya, di ti ti tshambisa kufana ni wulombe.
Sekoko, a di msetile matiyo, na ene wu wamsikati a di ti nzambwisile, ni kungako a di onhete mwamna wakwe ngu ditshuri, matiyo ma nyenyezisako, ma na wulela mndani kwakwe, me mmahela phango; se mrumbu wakwe wu na simba, nyonga yakwe yi na oma, ni wu wamsikati a na va txiruko ditikoni kwawe.