Mitengo 5:2 - Bhiblia Yo Sawuleka

² “Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.

Mitengo 5:2 Referans Kwoze

Levhi 21:1

Mkoma a wombile ka Mosi a txi khene: Gela vaphaxeli, vanana va Aroni u txi khawe: Mphaxeli a nga ti nyenyezise ngu mhaka ya txirumbi txa m'thu wa ka kwawe awule a nga fa,

Levhi 13:46

Ngako dithanzi di txi simama ha nyamani ka mmidi wakwe, a na va a txi ziwa ti to kha basa, se a na hanya ekha, hahanze ka wugovelo.

Mitengo 12:14

Se Mkoma a to khene ka Mosi: “Ku nga ti tate wakwe a txi mthurela khoheni, ina kha na mbi va ni tingana mndani ka mtxhanu wa masiku ni mambidi kani? A na khotelwa mtxhanu wa masiku ni mambidi hahanze ka wugovelo; se msana keto, a na wuyiswa kambe.”

Mitengo 31:19

Se anu zumbani hahanze ka dizumbo mtxhanu wa masiku ni mambidi; ni wuhi wu a nga daya m'thu wokari, mwendo ni wuhi wu a nga gwesa m'thu wokari wa kufa, ngu ditshiku da wuraru ni ditshiku da wutxhanu ni mambidi, mi na ti sawulekisa, anu ni tikhumbi tanu.

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

Levhi 13:8

Ngako mphaxeli a txi wona ti to kha ditshuri dithanzi di endelekile ha mmidi kwakwe, a na m'gela a txi khene kha basa; ana ni tshekela.

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

Mitengo 5:1

Se Mkoma a to womba ka Mosi, a txi khene:

Mitengo 12:10

Mbimosi direfu di nga khukha txitimwi ka ditenda, koneko Miriyamu mmidi wakwe wu to basa ngu tshekela, wu txi fanana ni hunguva. Aroni a to wona Miriyamu ti to ana ni tshekela.

Levhi 13:45

Awule a ku ni mtungu wa tshekela, a fanete e tsimbila a di ambate simaha so sakala kumweko ni misisi yo mbi khwaywa ni kufenengeta txisofu kala ha txiletuni, na a txi huwelela a txi khene: Kha na basa! Kha na basa!